ଭୁବନେଶ୍ୱର,୮-୬: ପୂର୍ବତଟ ରେଳପଥ ପକ୍ଷରୁ ୬୪ତମ ରେଳ ସପ୍ତାହ ସ୍ଥାନୀୟ ଚନ୍ଦ୍ରଶେଖରପୁରସ୍ଥିତ ରେଳ ଅଡିଟୋରିୟମଠାରେ ପାଳିତ ହୋଇଯାଇଛି। କାର୍ଯ୍ୟକ୍ରମରେ ପୂର୍ବତଟ ରେଳପଥ ମହାପ୍ରବନ୍ଧକ ବିଦ୍ୟାଭୂଷଣ ଏଥିରେ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ଏଥିରେ ଅତିରିକ୍ତ ମହାପ୍ରବନ୍ଧକ ସୁଧୀର କୁମାର ସମ୍ମାନୀତ ଅତିଥି ଭାବେ ଯୋଗ ଦେଇଥିଲେ। ପ୍ରଗତିଶୀଳ ଉଦ୍ଦେଶ୍ୟ ଏବଂ କର୍ତ୍ତବ୍ୟ ସମ୍ପାଦନ ଦ୍ୱାରା ରେଲଓ୍ବେରେ ଉତ୍କର୍ଷତା ଆଣିଥିବାରୁ କର୍ମଚାରୀଙ୍କୁ ମହାପ୍ରବନ୍ଧକ କୃତଜ୍ଞତା ଜ୍ଞାପନ କରିଥିଲେ। କାର୍ଯ୍ୟ ଦକ୍ଷତା ଲାଗି ଖୋର୍ଦ୍ଧାରୋଡ ରେଳ ମଣ୍ଡଳକୁ ସାମଗ୍ରିକ ଦକ୍ଷତା ସିଲ୍ଡ ପ୍ରଦାନ କରାଯାଇଛି। ସେହିଭଳି କଟକ ରେଳ ଷ୍ଟେଶନକୁ ଉତ୍ତମ ବୃହତ୍ତ ପରିଛନ୍ନ ଷ୍ଟେଶନ, କୋରାପୁଟ ନିକଟସ୍ଥ ମାନବାର ରେଳ ଷ୍ଟେଶନକୁ ଉତ୍ତମ ଶ୍ରେଷ୍ଠ ପରିଛନ୍ନ ଷ୍ଟେଶନ ସିଲ୍ଡ ପ୍ରଦାନ କରାଯାଇଛି। କାର୍ଯ୍ୟକ୍ରମରେ ରେଳପଥର ବରିଷ୍ଠ ଉପମହାପ୍ରବନ୍ଧକ ହେମନ୍ତ କୁମାର ଦତ୍ତ ଏବଂ ଅଶୋକ କୁମାର ମିଶ୍ରଙ୍କ ସମେତ ଅନ୍ୟ ଅଧିକାରୀ, କର୍ମଚାରୀମାନେ ଏହି ଅବସରେ ଉପସ୍ଥିତ ଥିଲେ।
