ମୁମ୍ବାଇ: ନିର୍ଦ୍ଦେଶକ ମେଘନା ଗୁଲଜାର ତାଙ୍କ ଅଗାମୀ ଫିଲ୍ମ ‘ଛପାକ’ ମାଧ୍ୟମରେ ଦର୍ଶକଙ୍କୁ ଜଣେ ଏସିଡ୍ ଆଟାକ୍ ସର୍ଭାଇଭରଙ୍କ ପ୍ରେରଣାଦାୟୀ କାହାଣୀ ସହ ପରିଚିତ କରାଇବାକୁ ପ୍ରସ୍ତୁତ ହୋଇସାରିଲେଣି। ଫିଲ୍ମରେ ‘ମାଳତି’ ଭୂମିକାରେ ଅଭିନୟ କରୁଥିବା ନାୟିକା ଦୀପିକା ପାଦୁକୋନ ତାଙ୍କର ଏହି ବହୁ ପ୍ରତିକ୍ଷିତ ଫିଲ୍ମର ଏକ ପୋଷ୍ଟର ରିଲିଜ୍ କରିଛନ୍ତି। ଏହି ପୋଷ୍ଟରଟି ମନଲୋଭା ହୋଇଥିବା ବେଳେ ଏଥିରେ ପରଫେକ୍ଟ ବ୍ୟାକ୍ଗ୍ରାଉଣ୍ଡ ଓ କ୍ଲାସିକ୍ ପୋଜ୍ ଦର୍ଶକଙ୍କ ହୃଦୟକୁ ଛୁଇଁ ପାରିଛି। ଉକ୍ତ ପୋଷ୍ଟରରେ ଦୀପିକା ଓ ବିକ୍ରାନ୍ତ ପାଖାପାଖି ରହିଥିବା ବେଳେ ଏମାନଙ୍କ ନଖରାମି ପ୍ରେମରେ ପରିବର୍ତ୍ତନ ହେଉଥିବା ଲକ୍ଷ୍ୟ କରାଯାଉଛି। ଏହି ପୋଷ୍ଟର ଶେୟାର କରିବା ସହ ଦୀପିକା ଲେଖିଛନ୍ତି, ‘ଯେତେ ଅଧିକ ଝଗଡ଼ା, ସେତେ ଅଧିକ ଭଲପାଇବା’। Nok Jhok se hui ek khoobsoorat love story ki shuruaat…
Dekhiye #Chhapaak iss Friday!” ଜଣେ ଏସିଡ୍ ଆଟାକ୍ ସର୍ଭାଇଭରଙ୍କ କାହାଣୀକୁ ନେଇ ଦୀପିକା ନିଶ୍ଚିତ ଭାବେ ଦମ୍ଦାର ଅଭିନୟ କରିଥିବେ ବୋଲି ଦର୍ଶକେ ଆଶା ରଖିଛନ୍ତି। ଭିନ୍ନ କାହାଣୀ ଉପରେ ଆଧାରିତ ଏହି ଫିଲ୍ମ ଦର୍ଶକଙ୍କୁ ଛୁଇଁବ ବୋଲି ନିର୍ମାତା ନିର୍ଦ୍ଦେଶକ ଅପେକ୍ଷା ରଖିଛନ୍ତି। ଏଥର ଫ୍ରାଇଡେ ରିଲିଜ୍ରେ ପରଦାକୁ ଆସିବ ‘ଛପାକ’।
