ବାଲେଶ୍ୱର ଅଫିସ,୨୭।୧୦-ବାଲେଶ୍ୱର ଜିଲା ଫିଟ୍-୨-ଫାଇଟ୍ କରାଟେ ସେଣ୍ଟରର ପ୍ରତିଯୋଗୀ କେଉଁଝର ସହରସ୍ଥିତ ଗୁଜୁରାଟୀ ସମାଜ ପରିସରରେ ୱାର୍ଲଡ୍ ଟ୍ରାଡ଼ିଶନାଲ୍ ସୋଟୋକାନ୍ ଫେଡ଼େରେଶନ୍ ତରଫରୁ ଆୟୋଜିତ ରାଜ୍ୟସ୍ତରୀୟ କରାଟେ ପ୍ରତିଯୋଗିତାରେ ଭାଗ ନେଇଥିଲେ। ଏଥିରେ ୭ବର୍ଷରୁ କମ୍, ୭ରୁ ୯ବର୍ଷ, ୯ରୁ ୧୧ ବର୍ଷ, ୧୨ରୁ ୧୩ ବର୍ଷ, ୧୩ରୁ ୧୫ ବର୍ଷ ବର୍ଗର ‘କାଟା ଏବଂ କୁମିତେ’ ପ୍ରତିଯୋଗିତା ଅନୁଷ୍ଠିତ ହୋଇଥିଲା। ପ୍ରତିଯୋଗିତାରେ ବାଲେଶ୍ୱରର ପ୍ରତିଯୋଗୀ ମୋଟ ୬ଟି ସ୍ବର୍ଣ୍ଣ, ୪ଟି ରୌପ୍ୟ ଓ ୧୪ଟି ବ୍ରୋଞ୍ଜ ପଦକ ହାସଲ କରିଥିବା କୋଚ୍ ମନୋରଞ୍ଜନ ଆଚାର୍ଯ୍ୟ ପ୍ରେସ୍ ବିବୃତିରେ ଜଣାଇଛନ୍ତି।
କେଉଁଝର ଗୁଜୁରାଟୀ ସମାଜଠାରେ ଗତ ୧୯ ଓ ୨୦ ତାରିଖରେ ଆୟୋଜିିତ ରାଜ୍ୟସ୍ତରୀୟ କରାଟେ ପ୍ରତିଯୋଗିତାରେ ବାଲେଶ୍ୱରରୁ ମୋଟ ୨୩ଜଣ (୧୯ଜଣ ପୁଅ ଓ ୪ଜଣ ଝିଅ) ପ୍ରତିଯୋଗୀ ଯୋଗଦେଇଥିଲେ। ବିଭିନ୍ନ ବିଭାଗରେ ନିଜର ପାରଦର୍ଶିତା ଦେଖାଇ ଆଦ୍ୟାଂଶୁ ମିଶ୍ର ୨ଟି, ପ୍ରତିନନ୍ଧନ ପୁହାଣ ୧ଟି, ଭକ୍ତିପ୍ରିୟା ବେହେରା ୧ଟି, ସତ୍ୟବ୍ରତ ଉପାଧ୍ୟାୟ ୧ଟି, କୌଶଳ ବିଶ୍ୱାଳ ୧ଟି ଲେଖାଏଁ ସ୍ବର୍ଣ୍ଣ ପଦକ ଜିତିଥିଲେ। ସେହିପରି ପ୍ରତିନନ୍ଧନ ପୁହାଣ, ଦେବାଶିଷ ପଣ୍ଡା, କ୍ରିଷ୍ଣା ବେହେରା, ସ୍ବସ୍ତି ପ୍ରୟମ୍ ନାଏକ ଗୋଟିଏ ଲେଖାଏଁ ରୌପ୍ୟ ପଦକ ହାସଲ କରିଛନ୍ତି। ସତ୍ୟବ୍ରତ ଉପାଧ୍ୟାୟ, କୌଶଲ ବିଶ୍ୱାଲ, ସାୟନ୍ ବାନାର୍ଜୀ, ଚିନ୍ମୟୀ ପ୍ରଭା ଦାସ, ଅନିରୁଦ୍ଧ ପ୍ରସାଦ, ଆଦ୍ୟ ଆଶୁତୋଷ୍, କ୍ରିଷ୍ଣା ବେହେରା, ବିନିତ୍ ପ୍ରଧାନ, ସ୍ମୃତିରଞ୍ଜନ ନାଏକ, ଅନୁୟା ପଣ୍ଡା, ଦେବଜ୍ୟୋତି ମହାନ୍ତି, ଭକ୍ତି ପ୍ରିୟା ବେହେରା, ଶ୍ରେୟାନ୍ ଆଚାର୍ଯ୍ୟ, ଶାୟନ୍ ବାନାର୍ଜୀ ଗୋଟିଏ ଲେଖାଏଁ ବ୍ରୋଞ୍ଜ ପଦକ ହାସଲ କରିଥିବା ଜଣାପଡ଼ିଛି। ଏହି କୃତି ପ୍ରତିଯୋଗୀମାନେ ଆଗାମୀ ୨୦୨୦ ମେ’ ମାସରେ ବମ୍ବେର ଖଣ୍ଡାଲାଠାରେ ଅନୁଷ୍ଠିତ ହେବାକୁ ଥିବା ଜାତୀୟ ପ୍ରତିଯୋଗିତାରେ ଓଡ଼ିଶା ତରଫରୁ ପ୍ରତିନିଧିତ୍ୱ କରିବେ। ପ୍ରତିଯୋଗୀମାନେ ବାଲେଶ୍ୱରରେ ପହଞ୍ଚତ୍ବା ପରେ ସେମାନଙ୍କୁ ବିଭିନ୍ନ ମହଲରୁ ସମ୍ବର୍ଦ୍ଧନା ଦିଆଯାଇଥିଲା।
