ଯାଜପୁର ରୋଡ,୫ା୮(ନି.ପ୍ର.): ଯାଜପୁର ରୋଡ୍ସ୍ଥିତ ଭୀମସେନ ପ୍ୟାଲେସଠାରେ ରବିବାର ଯାଜପୁର ରୋଡ-ଧାମରା ରେଳପଥ ସଂଗ୍ରାମ ସମିତି ପକ୍ଷରୁ ଏକ ଗଣ ସମ୍ମିଳନୀ ଅନୁଷ୍ଠିତ ହୋଇଯାଇଛି। ଏଥିରେ ପୂର୍ବତନ ଅର୍ଥମନ୍ତ୍ରୀ ପ୍ରଫୁଲ୍ଲ ଚନ୍ଦ୍ର ଘଡ଼ାଇ, ଯାଜପୁର ରୋଡ ଧାମରା ରେଳପଥ ସଂଗ୍ରାମ ସମିତି ଆବାହକ ସନ୍ତୋଷ ଦାସ, ସିପିଆଇଏମ୍ ନେତା ପ୍ରଫୁଲ୍ଲ ନାୟକ, ଆଇଏନଟିୟୁସିର ଜିଲା ସଭାପତି ବିଦ୍ୟାଧର ମହାନ୍ତି, ଆଇନଜୀବୀ ପ୍ରଫୁଲ୍ଲ ପାଢ଼ୀ ଓ ବ୍ୟାସନଗର ପୌର ପରିଷଦର ପୂର୍ବତନ ନଗରପାଳ ରସାନନ୍ଦ ମହାନ୍ତି ପ୍ରମୁଖ ଯୋଗଦେଇଥିଲେ। ଏହି ରେଳପଥ ନିର୍ମାଣ ହେଲେ ଯାଜପୁର, ଆରଡି, ଧାମରା ପରି ୩ ତୀର୍ଥସ୍ଥାନକୁ ଗମନାଗମନ ସହାୟକ ହେବ ା ତେଣୁ ଏ ଦିଗରେ ଯାଜପୁର ଏମ୍ପି, ବିଧାୟକ, କୋରେଇ ବିଧାୟକ, ଭଦ୍ରକ ଏମ୍ପି ଓ ବିଧାୟକଙ୍କୁ ସମିତି ପକ୍ଷରୁ ଦାବିପତ୍ର ପ୍ରଦାନ କରିବା ସହ ଆଲୋଚନା ପାଇଁ ଘଡ଼ାଇ କହିଥିଲେ। ଏଥିସହ ଯାଜପୁର ଓ ଭଦ୍ରକ ଜିଲାର ବିଭିନ୍ନ ରାଜନୈତିକ ନେତା ଗଣ ସଂଗଠନକୁ ସାମିଲ କରିବାକୁ କହିଥିଲେ। ରେଳପଥ ନିର୍ମାଣ ସମ୍ପର୍କରେ ଦାବିପତ୍ର ସମସ୍ତ ଲୋକପ୍ରତିନିଧି ଓ ରେଲ୍ଓ୍ବେ ମନ୍ତ୍ରୀ ଏବଂ ଅନ୍ୟାନ୍ୟ କର୍ତ୍ତୃପକ୍ଷଙ୍କୁ ପ୍ରଦାନ କରାଯାଇଛି। ଏହି ରେଳପଥ ନିର୍ମାଣ ପାଇଁ କରାଯାଇଛି। ୯୫.୯୫ କିମି ଦୈର୍ଘ୍ୟ ବିଶିଷ୍ଟ ରେଳପଥକୁ ୯୫୫ କୋଟି ଟଙ୍କା ବ୍ୟୟରେ ନିର୍ମାଣ ପାଇଁ ସର୍ଭେ ରିପୋର୍ଟରେ ଦର୍ଶାଯାଇଥିଲା। ପୂର୍ବତଟ ରେଳପଥ ପକ୍ଷରୁ ୨୦୧୫ ଏପ୍ରିଲରେ କେନ୍ଦ୍ର ସରକାରଙ୍କ ରେଳମନ୍ତ୍ରାଳୟ ଅଧୀନସ୍ଥ ରେଳବାଇ ବୋର୍ଡକୁ ମଞ୍ଜୁର ପାଇଁ ପଠାଯାଇଛି। ୨୦୧୯-୨୦ କେନ୍ଦ୍ର ବଜେଟରେ ବ୍ୟୟ ବରାଦ କରାଯାଇ ନ ଥିବାରୁ ରେଳପଥ ନିର୍ମାଣ କରାଯାଇ ପାରୁ ନାହିଁ ବୋଲି ଜିଲା ସମିତିର ଆବାହକ ସନ୍ତୋଷ ଦାସ କହିଥିଲେ। ରେଳପଥ ନିର୍ମାଣ ପାଇଁ ଆଗାମୀ ଦିନରେ ଯାଜପୁର ସହର ଆର୍ଡି ଓ ବିଭିନ୍ନ ସ୍ଥାନରେ ପଥପ୍ରାନ୍ତା ଓ ସଭାସମିତି କରାଯାଇ ଜନମତ ସୃଷ୍ଟି କରାଯାଇ ଆନ୍ଦୋଳନକୁ ଜୋଦାର କରାଯିବ ା ପାଣିକୋଇଲି, ସଙ୍ଖଚିଲା ଯାଜପୁର, ମଙ୍ଗଳପୁର, ଆରଡି ପ୍ରଭୃତି ସ୍ଥାନରେ ଗଣ ସମ୍ମିଳନୀ କରାଯାଇ ଏକ ସ୍ମାରକପତ୍ର କେନ୍ଦ୍ର ରେଳମନ୍ତ୍ରୀ ଓ ରାଜ୍ୟ ପରିବହନ ମନ୍ତ୍ରୀଙ୍କୁ ପ୍ରଦାନ କରାଯିବ। ଏଥିସହ କେନ୍ଦ୍ର ସରକାରଙ୍କ ନିକଟକୁ ବହୁମାତ୍ରାରେ ପୋଷ୍ଟକାର୍ଡ ପଠାଇବାକୁ ସମ୍ମିଳନୀରେ ସ୍ଥିର କରାଯାଇଛି । ଯାଜପୁର, କେନ୍ଦୁଝର ଜିଲାର ବହୁ ରାଜନେତା, ବୁଦ୍ଧିଜିବୀ, ଆଇନିଜୀବୀ ଯୋଗଦେଇଥିଲେ। ଅନ୍ୟମାନଙ୍କ ମଧ୍ୟରେ ବିବେକାନନ୍ଦ ମହାନ୍ତି, ରାଧା ଦାସ, ବିଶ୍ୱଜିତ ମହାନ୍ତି, ପରମାନନ୍ଦ ସେଠୀ, ଆରତୀ ଦେଓ, ବାବୁଲାଲ ଗୁରୁ, ଦିଲୀପ କୁମାର ଦାସ, ଗୋକୁଳା ନନ୍ଦ ମହାନ୍ତି, ଅକ୍ଷୟ କୁମାର ଯେନା, ନିର୍ମଳ ରଥ, ଦିଗାମ୍ବର ସାହୁ ପ୍ରମୁଖଯୋଗଦେଇଥିଲେ। ଶେଷରେ ଶ୍ରମିକ ନେତା ପରମାନନ୍ଦ ସେଠୀ ଧନ୍ୟବାଦ ଦେଇଥିଲେ।
