ମୋରାଟୋରିୟମ ସୁବିଧା ଦେଲା ବଜାଜ ଫାଇନାନ୍ସ
7:06 amApril 24, 2020 / 21

ଭୁବନେଶ୍ୱର,୨୪।୪: ବଜାଜ ଫାଇନାନ୍ସ ପକ୍ଷରୁ ଏହାର ଗ୍ରାହକଙ୍କ ଲାଗି କୋଭିଡ୍‌-୧୯ ମୋରାଟୋରିୟମ ସୁବିଧା ପ୍ରଦାନ ସମ୍ପର୍କରେ ଘୋଷଣା କରାଯାଇଛି। ଭଲ ଟ୍ରାକ୍‌ ରେକର୍ଡ ଥିବା ଗ୍ରାହକଙ୍କୁ ଋଣ ପରିଶୋଧ କରିବା ଲାଗି କମ୍ପାନୀ ମହଲତ ହେଉଥିବା ସୂଚନା ଦେଇଛି। ଯେଉଁ ଗ୍ରାହକଙ୍କର କୌଣସି ପ୍ରକାର ଋଣରେ ୨ରୁ ଅଧିକ ଇଏମ୍‌ଆଇ ବକେୟା ନାହିଁ ସେମାନେ ଚଳିତ ବର୍ଷ ମାର୍ଚ୍ଚ, ଏପ୍ରିଲ ଏବଂ ମେ ମାସର କିସ୍ତି ପଇଠ ନ କରିବା ଲାଗି ମହଲତ ପାଇବାକୁ ଯୋଗ୍ୟ। ଯଦି ୨୦୨୦ ମାର୍ଚ୍ଚ ପରେ କୌଣସି ଋଣ ମଞ୍ଜୁର କରାଯାଇଥିବ ତେବେ ସେ ଉପରେ କୌଣସି ମହଲତ ପ୍ରଦାନ କରାଯିବ ନାହିଁ। ମୋରାଟୋରିୟମ ସୁବିଧା ନେବା ଲାଗି ଗ୍ରାହକ କମ୍ପାନୀଙ୍କୁ ଅନୁରୋଧ କରିବାକୁ ପଡ଼ିବ। ସୁବିଧା ନେବାକୁ ଚାହୁଁଥିବା ବ୍ୟକ୍ତି ଇଏମ୍‌ଆଇ କଟିବାର ୫ ଦିନ ମଧ୍ୟରେ କମ୍ପାନୀକୁ ଜଣାଇବାକୁ ପଡିବ। କଟିଥିବା ଇଏମ୍‌ଆଇ ଅର୍ଥ ଗ୍ରାହକ ୧୦ ଦିନ ମଧ୍ୟରେ ପାଇପାରିବେ। ଏହି ସୁବିଧା ନେଉଥିବା ଗ୍ରାହକଙ୍କ ଲାଗି ଋଣର ସୀମା ବଢ଼ିଯିବ ମୋରାଟୋରିୟମ ସୁଧ ଦେୟ ଅବଧିକୁ ବକେୟା ମୂଳଧନ ସହ ଯୋଡ଼ି ଦିଆଯିବ।