ନୂଆଦିଲ୍ଲୀ,୫।୧୨: ଦେଶରେ ଉପଭୋକ୍ତାଙ୍କ ଉପରେ ମହଙ୍ଗା ମାଡ଼ ଜାରି ରହିଥିବାବେଳେ କେନ୍ଦ୍ରର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାରଙ୍କୁ ପୁଣି ଏକ ଝଟ୍କା ଦେଇଛନ୍ତି ରିଜର୍ଭ ବ୍ୟାଙ୍କ। ୨୦୧୯-୨୦ ଆର୍ଥିକ ବର୍ଷ ପାଇଁ ଜିଡ଼ିପି ଅଭିବୃଦ୍ଧି ହାର ନେଇ ପୂର୍ବରୁ କରିଥିବା ଆକଳନକୁ ଭାରତୀୟ ରିଜର୍ଭ ବ୍ୟାଙ୍କ କମାଇ ଦେଇଛନ୍ତି। ଗତ ଅକ୍ଟୋବରରେ ହୋଇଥିବା ବୈଠକରେ ୨୦୧୯-୨୦ ଆର୍ଥିକ ବର୍ଷରେ ଦେଶର ଜିଡ଼ିପି ଅଭିବୃଦ୍ଧି ହାର ଆକଳନକୁ ୬.୧ ପ୍ରତିଶତ ରଖାଯାଇଥିଲା। ତେବେ ଏବେ ହୋଇଥିବା ନୀତି ସମୀକ୍ଷା ବୈଠକରେ ଏହାକୁ ୫ ପ୍ରତିଶତକୁ ରିଜର୍ଭ ବ୍ୟାଙ୍କ କମାଇ ଦେଇଛନ୍ତି। ବ୍ୟାଙ୍କର ଏଭଳି ରିପୋର୍ଟ ନେଇ ଏବେ ବିରୋଧୀ ଦଳ ମୋଦି ସରକାରଙ୍କୁ ଘେରିବା ଆରମ୍ଭ କରିଛନ୍ତି।
