ନୂଆଦିଲ୍ଲୀ,୧୦।୬: ମଣିଷ ସମାଜରେ କାହାର ମୃତ୍ୟୁ ହେଲେ ପରମ୍ପରା ଅନୁସାରେ ଅନ୍ତିମ ସଂସ୍କାର କରାଯାଇଥାଏ। ତେବେ ପ୍ରାଣୀ ଜଗତରେ ଏଭଳି ହେବା ଶୁଣିଲେ ଯେ କେହି ଆଶ୍ଚର୍ଯ୍ୟ ହେବା ସ୍ବାଭାବିକ। ତେବେ ଏଭଳି ଏକ ଘଟଣାର ଭିଡ଼ିଓ ଏବେ ସୋସିଆଲ୍ ମିଡ଼ିଆରେ ବେଶ୍ ଭାଇରାଲ ହେବାରେ ଲାଗିଛି। ଏହାକୁ ଫରେଷ୍ଟ ଅଫିସର ଆଇଏଫଏସ୍ ପରଓ୍ବିନ୍ କସଓ୍ବାନ ଅପଲୋଡ୍ କରିଛନ୍ତି। ଏକ ମିନିଟ୍ ୨୩ ସେକେଣ୍ଡର ଏହି ଭିଡ଼ିଓରେ ମା’ ହାତୀ କିଭଳି ମୃତ ଶାବକକୁ ଧରି ଆଗରେ ଯାଉଛି ଏବଂ ପଛରେ ହାତୀ ପଲ ଧାଡ଼ି ବାନ୍ଧି ଯାଉଛନ୍ତି ତାହା ଦେଖିବାକୁ ମିଳୁଛି। ଏହି ଅନ୍ତିମ ସଂସ୍କାରକୁ ଦେଖିବା ଲାଗି ରାସ୍ତାରେ ଲୋକେ ଅଟକି ରହିଥିବାର ଦୃଶ୍ୟ ରହିଛି। ତେବେ ଏହା କେଉଁ ଅଞ୍ଚଳର ଜଙ୍ଗଲରେ ଘଟିଛା ତାହା ପରଓ୍ବିନ୍ ସୂଚିତ କରି ନାହାନ୍ତି। ଏହି ଭିଡ଼ଓ ଦେଖଣାହାରୀଙ୍କୁ ବେଶ୍ ଭାବୁକ କରୁଛି।
