ମୁନିଗୁଡ଼ା,୫।୬(ଡି.ଏନ୍.ଏ.): ରାୟଗଡ଼ା ଜିଲା ମୁନିଗୁଡ଼ାଠାରେ ମୁସ୍ଲିମ୍ ସଂପ୍ରଦାୟର ଲୋକଙ୍କ ପକ୍ଷରୁ ଇଦ୍ ପର୍ବ ମହା ଆଡ଼ମ୍ବର ସହ ପାଳିତ ହୋଇଛି। ମୁନିଗୁଡ଼ା ମୁସଲିମ୍ ସଂଘର ସଭାପତି ଏମ୍ଡି ଆୟୁବ ଓ ଶେଖ୍ ହବିବ୍ଙ୍କ ମିଳିତ ସଂଯୋଜନାରେ ମସ୍ଜିଦ ପରିସରରେ ସମସ୍ତ ମୁସଲମାନ ଭାଇ ସାମୂହିକ ନମାଜ ପାଠ କରିଥିଲେ। ପରେ ମସ୍ଜିଦ୍ରେ ମୁଖ୍ୟ ହାଫିସାଙ୍କ ଦ୍ୱାରା ପ୍ରବଚନ ପାଠ କରିବା ସହ ଇଦ୍ ପର୍ବର ମୁଖ୍ୟ ଉଦ୍ଦେଶ୍ୟ ସମ୍ପର୍କରେ ଆଲୋକପାତ କରିଥିଲେ। ଏହାସହ ପରସ୍ପରକୁ ଆଲିଙ୍ଗନ କରି ଇଦ୍ ମୁବାରକ ଜଣାଇଥିଲେ। ମହିଳାମାନେ ମଧ୍ୟ ଘରେ ନମାଜ ପାଠ କରିଥିଲେ। କାର୍ଯ୍ୟକ୍ରମକୁ ସଂଘର କାରାମତ୍ ହୁସେନ, ଅବ୍ଦୁଲ ରେହେମାନ, ଏମ୍ଡି ୟାସିନ୍ ପ୍ରମୁଖ ପରିଚାଳନା କରିଥିଲେ।
