ମୁଖ୍ୟମନ୍ତ୍ରୀ ରିଲିଫ ପାଣ୍ଠିକୁ ସହାୟତା
8:09 pmApril 9, 2020 / 43

ପାଟଣାଗଡ, ୯ା୪(ଡି.ଏନ.ଏ.): କରୋନା ମୁକାବିଲାକୁ ଦୃଷ୍ଟିରେ ରଖି ବଲାଙ୍ଗୀର ଜିଲା ପାଟଣାଗଡ ଅଞ୍ଚଳର ବିଭିନ୍ନ ବ୍ୟକ୍ତିବିଶେଷ ଓ ଅନୁଷ୍ଠାନ ପକ୍ଷରୁ ମୁଖ୍ୟମନ୍ତ୍ରୀଙ୍କ ରିଳିଫ ପାଣ୍ଠିକୁ ସହାୟତା ରାଶି ପ୍ରଦାନ କରାଯାଇଛି। ଲବ କୁମାର ଅଗ୍ରୱାଲ ନିଜ ଦିବ୍ୟାଙ୍ଗ ଭତ୍ତା ଟଙ୍କାରୁ ୩ହଜାର ଟଙ୍କା ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିକୁ ଉପଜିଲାପାଳଙ୍କ ଜରିଆରେ ପ୍ରଦାନ କରିଛନ୍ତି। ସେହିପରି ପାଟଣାଗଡର ଅବସରପ୍ରାପ୍ତ ବ୍ୟାଙ୍କ କର୍ମଚାରୀ ଘନଶ୍ୟାମ ମେହେର ୧ଲକ୍ଷ ଟଙ୍କା, ମେହେର ଯୁବ ପରିଷଦ ପାଟଣାଗଡ ୫୧ହଜାର ଟଙ୍କା, ଜୟ ମାଁ ସ୍ବୟଂ ସହାୟକ ଗୋଷ୍ଠୀ ୫୧୦୦, ଗଜବାହିନୀ ମହିଳା ସଂଘ ଲାଠୋର ୧୧ ହଜାର, ନବଦୁର୍ଗା ପୂଜା କମିଟି ପାଟଣାଗଡ ୫୧ ହଜାର, ବଣିକ ସଂଘ ପାଟଣାଗଡ ୬୧୧୧୧ ଟଙ୍କା, ସରପଞ୍ଚ ସଂଘ ପାଟଣାଗଡ ୬୦ ହଜାର ଟଙ୍କା, ପାଟଣାଗଡ ବ୍ଲକ ଅଧ୍ୟକ୍ଷ ଉପାଧ୍ୟକ୍ଷ ଏବଂ ସମିତି ସଭ୍ୟଙ୍କ ଗୋଟିଏ ମାସର ଦରମା ୫୭୩୪୦ ଟଙ୍କା, ସନ୍ତୋଷୀ ସ୍ବୟଂ ସହାୟକ ଗୋଷ୍ଠୀ କେନ୍ଦୁମୁଣ୍ଡି ୫୦ ହଜାର ଟଙ୍କା, ଅସଲମ୍‌ କଟନ ମିଲ, ରାଧାରମଣ କଟନ ମିଲ, ମନସାମାତା କଟନ ମିଲ, ମା ଜିନିଂ କଟନ ମିଲ ୨୫ ହଜାର ଟଙ୍କା ଲେଖାଏ ପ୍ରଦାନ କରିଛନ୍ତି। ସେହିପରି ପାଟଣାଗଡର କାଳିଦାଶ ମିଶ୍ର ୧୦ ହଜାର, ରମେଶ ପୁରୋହିତ ୫୦ହଜାର, ପଞ୍ଚାୟତ ଡିଗ୍ରୀ କଲେଜ ଲାଠୋର ୨୧ ହଜାର, କୋଶଲ ନଗର ପାଟଣାଗଡର ମହିଳାମାନେ ୧୦୯୫୦ ଟଙ୍କା ପ୍ରଦାନ କରିଥିବା ପାଟଣାଗଡ ଉପଜିଲାପାଳ ସୋମନାଥ ପ୍ରଧାନ ସୂଚନା ଦେଇଛନ୍ତି। ଏଭଳି ସଂକଟ ପରିସ୍ଥିତିରେ ସରକାରଙ୍କୁ ସାହାଯ୍ୟ କରିବା ପ୍ରତ୍ୟେକ ନାଗରିକର ଗୁରୁ ଦାୟିତ୍ୱ ଏବଂ ପ୍ରଶାସନ ସହିତ ହାତ ମିଳାଇ କରୋନା ମୁକାବିଲାରେ ସାମିଲ ହେବାକୁ ଉପଜିଲାପାଳ ପ୍ରଧାନ ଜନସାଧାରଣଙ୍କୁ ଅନୁରୋଧ କରିଛନ୍ତି।