ତାଳଚେର,୨୩/୩(ମନୋଜ ନନ୍ଦ):ତାଳଚେରର ଅଧିଷ୍ଠାତ୍ରୀ ଦେବୀ ମା’ ହିଙ୍ଗୁଳା ମନ୍ଦିରର ପୂର୍ବ ଦିଗ ହିଙ୍ଗୁଳା ମନ୍ଦିର ପଛ ପାଖରେ ପ୍ରାୟ ୨ ସହ ମିଟର ଦୂରରେ ଚଳିତ ବର୍ଷ ଉଭା ହୋଇଛନ୍ତି। ରବିବାର ଏଥିପାଇଁ ଯନ୍ତାଳ ପୂଜା ଅନୁଷ୍ଠିତ ହୋଇଥିଲା। ଯନ୍ତାଳ ପୂଜା ସମୟରେ ପତିଆରଙ୍କଠାରେ ଦେବୀ ଆର୍ବିଭାବ ହୋଇଥାନ୍ତି ଓ ଉଭାସ୍ଥଳ ସମ୍ପର୍କରେ ଦେହୁରୀଙ୍କୁ ସୂଚନା ଦେଇଥାନ୍ତି । ପୂର୍ବ ସୂଚନାକୁ ଆଧାର କରି ଦେହୁରୀ ଅଧରାତିରେ ଏକାକୀ ଯାଇ ଉଭାସ୍ଥଳ ଚିହ୍ନଟ କରିବା ସହିତ ଶାବର ମନ୍ତ୍ରରେ ମା’ ଅଗ୍ନିରୁପାଙ୍କୁ ସେଠାରେ ଅଟକ କରି ରଖି ଥାନ୍ତି । ଏହାକୁ ଉଭାସ୍ଥଳ କୁହାଯାଏ। ଏହି ଠାରେ ମା’ଙ୍କର ବାର୍ଷିକ ଯାତ୍ରା ଅନୁଷ୍ଠିତ ହୁଏ। ଉଭାସ୍ଥଳ ଚିହ୍ନଟ ଖବର ଜଣାପଡିବା ପରେ ଭକ୍ତଙ୍କ ସୁଅ ସେଠାକୁ ଛୁଟିଛି । ଭକ୍ତମାନେ ମା’ଙ୍କର ପୂଜାର୍ଚ୍ଚନା କରି ଆଶିଷ ଭିକ୍ଷା କରୁଛନ୍ତି। ଚଳିତ ମାସ ୩୧ଠାରୁ ମାଆଙ୍କର ନବାଦୀନାତ୍ମକ ବାର୍ଷିକ ଯାତ୍ରା ଓ ୨୨ ତମ ଲୋକମହୋତ୍ସବ ଅନୁଷ୍ଠିତ ହେବ।
Dharitri – Odisha’s No.1 Odia Daily
