ସିସିଲି,୨୯।୧: ମାତ୍ର ୭୮ ଟଙ୍କାରେ ଘର ମିଳୁଥିବା ଶୁଣିଲେ ଯେ କେହି ଆଶ୍ଚର୍ଯ୍ୟ ହେବେ। ତେବେ ଏହା ସତ। ଦକ୍ଷିଣ ଇଟାଲୀର ଟୋରୋଣ୍ଟୋରେ ସହରରେ ୨୫ ହଜାର ଘର ଏହି ଦାମ୍ରେ ବିକ୍ରି କରାଯିବ। ପ୍ରଥମେ ପରୀକ୍ଷାମୂଳକ ଭାବେ ୫ଟି ଘର ବିକ୍ରି କରିବାକୁ ସହର ପ୍ରଶାସନ ପକ୍ଷରୁ ଘୋଷଣା କରାଯାଇଛି। ୧୯ ଶତାବ୍ଦୀର ଏହି ବନ୍ଦର ସହରରେ ପୂର୍ବରୁ ପ୍ରାୟ ୪୦ ହଜାର ଲୋକ ବାସ କରୁଥିଲେ। ମାତ୍ର ଏବେ ସହରର ଜନସଂଖ୍ୟା ୩ ହଜାରରେ ପହଞ୍ଚିଛି। କମ୍ ଦାମ୍ରେ ଲୋକଙ୍କୁ ଘର ଯୋଗାଇ ଦିଆଯାଇ ଏଠାକାର ଜନସଂଖ୍ୟା ବଢ଼ାଇବାକୁ ସରକାର ଯୋଜନା କରିଛନ୍ତି। ପ୍ରଥମେ ସରକାରଙ୍କ ପକ୍ଷରୁ ଏଭଳି ଯୋଜନା ୨୦୧୧ରେ ଅଣାଯାଇଥିଲା। ସେତେବେଳେ ୭୮ ଟଙ୍କା ଦାମରେ ଏଠାକାର ୧୫୦ରୁ ଅଧିକ ବିଲ୍ଡିଂକୁ ବିକ୍ରି କରାଯାଇଥିଲା। ସେହିପରି ୨୦୧୯ରେ ସିସିଲିର ବିଓ୍ବାନା, ସାମ୍ବୁକା ଏବଂ ମୁସୋମେଲୀ ଗାଁରେ ଏଭଳି ଅଫର ସ୍ଥାନୀୟ ପ୍ରଶାସନ ପକ୍ଷରୁ ଦିଆଯାଇଥିଲା।
