ବିବାହ ପରେ ଝିଅ ବିଦା ସମୟରେ ସମସ୍ତଙ୍କ ଆଖିରେ ଲୁହ ଆସିଯାଇଥାଏ। ସମସ୍ତେ ଏହା ଦେଖିଥିବେ ନିଶ୍ଚୟ। ମାତ୍ର ରୁଷିଆର ଗଣରାଜ୍ୟ ଚେଚନ୍ୟାରେ ଝିଅ ବିଦା ସମୟରେ ଏମିତି ଏକ ପରିସ୍ଥିତି ହୋଇଥିଲା ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛି। ଏଠାରେ ଜଣେ ଭାଇଙ୍କୁ ଭଉଣୀର ବିଦା ସମୟରେ କାନ୍ଦିବା ମହଙ୍ଗା ପଡ଼ିଛି। ଏଥିପାଇଁ ତାଙ୍କୁ ସର୍ବସମ୍ମୁଖରେ କ୍ଷମା ମାଗିବାକୁ ପଡ଼ିଛି।
ଏକ ରିପୋର୍ଟ ଅନୁସାରେ, ଗତ ସପ୍ତାହରେ ଭଉଣୀ ବିଦା ସମୟରେ ଭାଇ କାନ୍ଦୁଥିବାର ଏକ ଭିଡିଓ ଭାଇରାଲ ହୋଇଥିଲା। ଏହାକୁ ନେଇ ବିବାଦ ଆରମ୍ଭ ହୋଇଯାଇଥିଲା।
ଧାର୍ମିକ ନେତା ରମଜାନ କଦିରୋଭଙ୍କ କହିବା ଅନୁସାରେ, ବିବାହରେ କାନ୍ଦି ଭାଇ ଚେଚନ୍ୟା ପରମ୍ପରା ଉଲ୍ଲଂଘନ କରିଥିଲେ। ଏହି ପରମ୍ପରା ଅନୁସାରେ ଭଉଣୀର ବିବାହରେ ଭାଇର ଯିବା କଥା ନୁହେଁ। ମାତ୍ର ସେ ସେଠାକୁ ଯାଇ କାନ୍ଦିଥିଲେ। ଏହି କାରଣରୁ ତାଙ୍କୁ ସର୍ମସମ୍ମୁଖରେ କ୍ଷମା ମାଗିବାକୁ ପଡ଼ିଛି। କ୍ଷମା ମାଗିବାର ଭିଡିଓ ମଧ୍ୟ ସୋସିଆଲ ମିଡିଆରେ ଭାଇରାଲ ହୋଇଛି।
ଐତିହାସିକ ଜେଲିମଖାନ୍ ମୁସାଇବଙ୍କ ଅନୁସାରେ, ଚେଚନ ବିବାହରେ ଲୋକମାନେ ନିଜ ଭାବନାକୁ ଅନ୍ୟ ସମ୍ମୁଖରେ ଉପସ୍ଥାପନା କରିବା ଠିକ୍ ନୁହେଁ ବୋଲି ଧରାଯାଏ। ସେ ମହିଳା ହୁଅନ୍ତୁ ଅବା ପୁରୁଷ। ତେଣୁ ଭଉଣୀଙ୍କ ବିବାହ ସମୟରେ ଯେତେବେଳେ ଭାଇର ଏଭଳି କାନ୍ଦିବା ଭିଡିଓ ଭାଇରାଲ ହେଲା ଏହାକୁ ଦେଖି ଲୋକେ ରାଗିଯାଇଥିଲେ।
ଚେଚନ୍ୟା ପୁରୁଷଙ୍କୁ ବିଶ୍ୱର ସବୁଠାରୁ ଶକ୍ତିଶାଳୀ ପୁରୁଷ ବୋଲି ଗଣନା କରାଯାଏ। ଏହି କାରଣରୁ ତାଙ୍କୁ କ୍ଷମା ମାଗିବାକୁ ପଡ଼ିଛି।
