ତେଲକୋଇ, ୭।୭(ଡି.ଏନ.ଏ.)-ତେଲକୋଇ ବ୍ଲକ ଅନ୍ତର୍ଗତ ପୁରୁଜୋଡା ପଞ୍ଚାୟତ ଅଧିନର ବେଣାମୁଣ୍ଡା ଗ୍ରାମରେ ସ୍ବଜଳଧାରା ଯୋଜନା ୨୦୦୮ ମସିହାରୁ ଆରମ୍ଭ ହୋଇଥିଲା। ଏହା ମଧ୍ୟରେ ୧୫ଦିନ ହେବ ଉକ୍ତ ଜଳପ୍ରକଳ୍ପ ବନ୍ଦ ହୋଇଥିବା ଯୋଗୁଁ ଗ୍ରାମବାସୀ ଅଚଳ ନଳକୂପ ଉପରେ ନିର୍ଭର କରୁଛନ୍ତି। ଉକ୍ତ ଗ୍ରାମରେ ୭୫ପରିବାରରୁ ଉର୍ଦ୍ଧ ଲୋକେ ଏହି ପାନୀୟଜଳ ପାଉଥିଲେ। ଏନେଇ ପୂର୍ବତନ ଜିଲ୍ଲା ପରିଷଦ ବିଦ୍ୟାଧର ରାଉଳ ସମେତ ମହେନ୍ଦ୍ର ନାୟକ, ହରେକୃଷ୍ଣ ବାରିକ, ସ୍ଥାନୀୟ ସରପଞ୍ଚ, ପରମେଶ୍ୱର ମୁଣ୍ଡା ଓ ଗ୍ରାମବାସୀ ଜିଲାପାଳ ଓ ବିଡିଓଙ୍କ ଠାରେ ଅଭିଯୋଗ କରିଛନ୍ତି। ଏସମ୍ପର୍କରେ ବିଡିଓ ଦିଲୀପ କୁମାର ବାରାଙ୍କୁ ପଚରାଯିବାରୁ ସେ କହିଲେ ଯେ ଜଳ ଯୋଗାଣ ବ୍ୟାହତର କାରଣ ବିଦ୍ୟୁତ ସମସ୍ୟା। ତେବେ ଏନେଇ ସ୍ଥାନୀୟ ସରପଞ୍ଚଙ୍କ ସହ ଆଲୋଚନା କରାଯାଇଛି। ତୁରନ୍ତ ପ୍ରତି ୱାର୍ଡକୁ ପାନୀୟଜଳ ଯୋଗାଣର ବ୍ୟବସ୍ଥା କରାଯିବ ବୋଲି ସେ ତାଙ୍କ ପ୍ରତକ୍ରିୟାରେ କହିଛନ୍ତି।
