ବିଧାନ ପରିଷଦକୁ ଉଦ୍ଧବ ନିର୍ଦ୍ୱନ୍ଦ୍ୱରେ ନିର୍ବାଚିତ
11:19 amMay 15, 2020 / 02

ମୁମ୍ବାଇ,୧୫।୫(ପି.ଟି.): ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକ୍‌ରେ ଓ ଅନ୍ୟ ୮ ଜଣ ରାଜ୍ୟ ବିଧାନ ପରିଷଦକୁ ନିର୍ଦ୍ୱନ୍ଦ୍ୱରେ ନିର୍ବାଚିତ ହୋଇଛନ୍ତି। ନିର୍ବାଚିତ ହୋଇଥିବା ଅନ୍ୟମାନେ ହେଲେ ପରିଷଦର ଉପାଧ୍ୟକ୍ଷ ନୀଲମ ଗୋରେ (ଶିବସେନା), ୪ ଭାଜପା ପ୍ରାର୍ଥୀ ରଞ୍ଜିତସିଂ ମୋହିତେ ପାଟିଲ, ଗୋପୀଚାନ୍ଦ ପଡଲକର, ପ୍ରବୀଣ ଡାଟ୍‌କେ ଏବଂ ରମେଶ କରାଡ଼, ଏନ୍‌ସିପିର ଶଶିକାନ୍ତ ସିନ୍ଧେ ଓ ଅମୋଲ ମିତ୍‌କାରୀ ଏବଂ କଂଗ୍ରେସର ରାଜେଶ ରାଠୋଡ୍‌। ନାମାଙ୍କନପତ୍ର ପ୍ରତ୍ୟାହାର ସମୟସୀମା ଗୁରୁବାର ଅପରାହ୍ନ ୩ଟାରେ ଶେଷ ହେବା ପରେ ଫଳାଫଳ ଘୋଷଣା କରାଯାଇଛି। ଗତ ନଭେମ୍ବର ୨୮ରେ ମୁଖ୍ୟମନ୍ତ୍ରୀ ଭାବେ ଶପଥ ନେଇଥିବା ଉଦ୍ଧବଙ୍କୁ ପଦ ବଜାୟ ରଖିବା ଲାଗି ମେ’ ୨୭ ପୂର୍ବରୁ ନିର୍ବାଚିତ ହେବା ଜରୁରୀ ଥିଲା।