ବିଦ୍ୟାଳୟରେ ସିଆରସିସି, ଶିକ୍ଷକ ମୁହାଁମୁହିଁ
4:01 pmJuly 16, 2019July 16, 2019 / 21

ହାଟଡିହୀ, ୧୬ା ୭ (ଡି.ଏନ୍‌.ଏ.): କେନ୍ଦୁଝର ଜିଲା ହାଟଡିହୀ ବ୍ଲକ ଶାଳକଣିଆଁ ସ୍କୁଲରେ ସିଆରସିସି ଓ ଶିକ୍ଷକ ମଙ୍ଗଳବାର ମୁହାଁମୁହିଁ ହୋଇଛନ୍ତିା ସୂଚନାଯୋଗ୍ୟ, ଗତ ସୋମବାର ଜଣେ ଛାତ୍ର ସ୍କୁଲ ଆଗରେ ଥିବା ରାସ୍ତା ପାର ହେଉଥିବା ବେଳେ ଏକ ମୋଟରସାଇକେଲ ତାଙ୍କୁ ଧକ୍କା ଦେଇଥିଲା । ସ୍କୁଲ ପକ୍ଷରୁ ଛାତ୍ରଙ୍କୁ ଚିକିତ୍ସା ପାଇଁ ଭଦ୍ରକ ଡାକ୍ତରଖାନା ନିଆଯାଇଥିଲା । ମଙ୍ଗଳବାର ସିଆରସିସି ଅଭୟ କୁମାର ଜେନା ଉକ୍ତ ସ୍କୁଲକୁ ଯାଇ ଘଟଣା ସମ୍ପର୍କରେ ସ୍କୁଲର ପ୍ରଧାନଶିକ୍ଷକ ନାରାୟଣ ଚନ୍ଦ୍ର ଷଣ୍ଢଙ୍କୁ ପଚାରି ବୁଝିଥିଲେ । ଏପରି ଘଟଣା ଯେପରି ପୁନର୍ବାର ନ ହୁଏ ସେ ଦିଗରେ ଦୃଷ୍ଟି ଦେଇ ଠିକ ଭାବେ କାର୍ଯ୍ୟ କରିବାକୁ ମଧ୍ୟ କହିଥିଲେ । ମାତ୍ର ଉକ୍ତ ସ୍କୁଲର ଅନ୍ୟ ଜଣେ ଶିକ୍ଷକ ଦଶରଥ ଜେନା କୌଣସି କାରଣ ନ ଥାଇ ହଠାତ ସିଆରସିସି ଓ ପ୍ରଧାନଶିକ୍ଷକଙ୍କୁ ଦୁର୍ବ୍ୟବହାର ପ୍ରଦର୍ଶନ କରିଥିବା ସିଆରସିିସି ଅଭୟ କୁମାର ଜେନା କହିଛନ୍ତି । ଫଳରେ ସ୍କୁଲ ଭିତରେ ମୁହାଁମୁହିଁ ପରିସ୍ଥିତି ସୃଷ୍ଟି ହେବା ସହ ଯୁକ୍ତିତର୍କ ହୋଇଥିଲା । ପ୍ରଧାନଶିକ୍ଷକ ନାରାୟଣ ଚନ୍ଦ୍ର ଷଣ୍ଢ କହିଛନ୍ତି ଯେ, ଯାହା ହୋଇଥିଲା ସବୁ ସମାଧାନ ହୋଇସାରିଛି । ବିଆରସିସି ବିନୋଦ ରାଉତ ଏନେଇ କହିଛନ୍ତି ଯେ ଘଟଣା ଦିଗରେ ସେ ଅବଗତ ଅଛନ୍ତି ଏବଂ ଆବଶ୍ୟକ ପଦକ୍ଷେପ ଗ୍ରହଣ କରାଯିବ ।