କୋଲକାତା,୩।୬: ପଶ୍ଚିମ ବଙ୍ଗରେ ‘ଜୟ ଶ୍ରୀ ରାମ’ ରାଜନୀତି ତେଜିବାରେ ଲାଗିଛି। ଦୁଇ ଦଳ ମଧ୍ୟରେ ପରସ୍ପର କାର୍ଯ୍ୟାଳୟ ଉପରେ ଦଖଲକୁ ନେଇ ଏବେ ବୟାନବାଜି ଆରମ୍ଭ ହୋଇଛି। ଉତ୍ତର ୨୪ ପ୍ରାଙ୍ଗନା ଜିଲାରେ ଥିବା ଭାଜପା କାର୍ଯ୍ୟାଳୟକୁ ଭାଙ୍ଗିବା ପାଇଁ ଖୋଦ ଟିଏମ୍ସି ମୁଖ୍ୟ ମମତା ବାନାର୍ଜୀ ପହଞ୍ଚିଥିଲେ। ଏହି କାର୍ଯ୍ୟାଳୟ ତାଙ୍କର ହୋଇଥିବା ବେଳେ ଭାଜପା ଏହାକୁ ଦଖଲ କରିନେଇଛି ବୋଲି ଟିଏମ୍ସି ଦାବି କରିଛି। ମେ ୨୯ରେ ଉତ୍ତର ୨୪ ପ୍ରାଙ୍ଗନା ଜିଲାର ନୌହାଟିରେ ମମତା ଧାରଣାରେ ବସିବା ସହ ରାଲିକୁ ସମ୍ବୋଧିତ କରିଥିଲେ। ଏହାପରେ ଭାଜପା କାର୍ଯ୍ୟାଳୟରେ ପହଞ୍ଚି ତାଲା ଭାଙ୍ଗିବା ସହ କମଳା ରଙ୍ଗ ଲଗାଇଥିଲେ, ଏବଂ ପଦ୍ମ ଫୁଲର ଚିହ୍ନକୁ ଲିଭାଇ ଦେଇଥିଲେ। ଏହା ପରିବର୍ତ୍ତେ ନିଜ ଦଳର ଚିହ୍ନକୁ ଆଙ୍କିବା ସହ ସେଠାରେ ଟିଏମ୍ସିର ନାଁ ଲେଖି ଦେଇଥିଲେ। ଅପରପକ୍ଷରେ ଏହାକୁ ନେଇ ପ୍ରତିକ୍ରିୟା ରଖିଛନ୍ତି ଭାଜପା ନେତା କୈଳାଶ ବିଜୟବର୍ଗୀୟ। ସେ କହିଛନ୍ତି, ମମତାଙ୍କ ମାନସିକ ସ୍ଥିତି ଠିକ୍ ନାହିଁ। ମୁଖ୍ୟମନ୍ତ୍ରୀଙ୍କ ଏଭଳି କାର୍ଯ୍ୟ ଆଶ୍ଚର୍ଯ୍ୟଜନକ ବୋଲି ବୈଳାଶ କହିଛନ୍ତି।
