ବାସୁଦେବପୁର,୧।୯(ଡି.ଏନ୍.ଏ.): ଭଦ୍ରକ ଜିଲା ବାସୁଦେବପୁର ବ୍ଲକ ନରସିଂହପୁର ପଞ୍ଚାୟତ ବାସନ୍ତୀ ପଡ଼ିଆଠାରେ ବିଜେଡିର ମିଶ୍ରଣପର୍ବ ରବିବାର ପୂର୍ବାହ୍ନରେ ଅନୁଷ୍ଠିତ ହୋଇଛି। ବିଜେଡି ନବନିଯୁକ୍ତ ବ୍ଲକ ସଭାପତି ଦୀନବନ୍ଧୁ ଦାସଙ୍କ ସଭାପତିତ୍ୱରେ ନରସିଂହପୁର ପଞ୍ଚାୟତ ସରପଞ୍ଚ ଅଞ୍ଜଳୀ ବିଶ୍ୱାଳ, ସମିତିସଭ୍ୟା ଆରତି ଜେନା, ନାଏବ ସରପଞ୍ଚ ନିଗମାନନ୍ଦ ସାହୁଙ୍କ ସମେତ ବହୁଲୋକ ବିଭିନ୍ନ ଦଳ ଛାଡି ବିଜେଡିର ଯୋଗ ଦେଇଛନ୍ତି। ପୂର୍ବତନ ମନ୍ତ୍ରୀ ବିଜୟଶ୍ରୀ ରାଉତରାୟ ସେମାନଙ୍କୁ ଦଳକୁ ସ୍ବାଗତ କରିଥିଲେ।
ଏହି ଅବସରରେ ରାଉତରାୟ, ବାସୁଦେବପୁର ବିଧାୟକ ବିଷ୍ଣୁବ୍ରତ ରାଉତରାୟ, ଜିଲାପରିସଦ ସଭ୍ୟ ସୂର୍ଯ୍ୟକାନ୍ତ ସେଠୀ ଯୁବ ବିଜେଡି ସଭାପତି ଅତିସ ଦାସ ପ୍ରମୁଖ ଉପସ୍ଥିତ ଥିଲେ।
