ଯାଜପୁର ଟାଉନ,୧୧|୯(ଡି.ଏନ୍.ଏ.)- ଦଶରଥପୁର ବ୍ଲକ ଅନ୍ତର୍ଗତ ଇଜାପୁର ପଞ୍ଚାୟତ ଇଜାପୁର ଗ୍ରାମର ଜନୈକା ୬୪ ବର୍ଷିୟା ବୃଦ୍ଧା ବାର୍ଦ୍ଧକ୍ୟ ଭତ୍ତାରୁ ବଞ୍ଚତ୍ତ ହୋଇଛନ୍ତି। ସେ ଅତ୍ୟନ୍ତ ଗରିବ ହୋଇଥିବା ସତ୍ତ୍ୱେ ତାଙ୍କୁ ଭତ୍ତା ମିଳୁ ନାହିଁ। ତେଣୁ ସେ ମଙ୍ଗଳବାର ଜିଲାପାଳଙ୍କ ଅଭିଯୋଗ ଶୁଣାଣି ଶିବିର ଆଗରେ ସପରିବାର ଧାରଣା ଦେଇଥିଲେ। ଜିଲାପାଳ ରଞ୍ଜନ କୁମାର ଦାସ ଏହା ଜାଣିବା ପରେ ଦଶରଥପୁର ବ୍ଲକ ବିଡିଓଙ୍କୁ ଏହି ଘଟଣାର ତୁରନ୍ତ ତଦନ୍ତ କରି ଭତ୍ତା ପ୍ରଦାନ କରିବା ନିମନ୍ତେ କାର୍ଯ୍ୟାନୁଷ୍ଠାନ ନେବାକୁ ନିର୍ଦ୍ଦେଶ ଦେଇଛନ୍ତି। ପ୍ରକାଶ ଯେ, ଇଜାପୁର ଗ୍ରାମର ସେକ୍ ଜାହାଙ୍ଗିରଙ୍କ ପତ୍ନୀ ହବୁ ବିବି(୬୪) ମଧୁମେହ ଓ ବାର୍ଦ୍ଧକ୍ୟଜନିତ ରୋଗରେ ପୀଡ଼ିତ ଅଟନ୍ତି। ଜାହାଙ୍ଗିରଙ୍କ ପରିବାରରେ ସେଭଳି ରୋଜଗାରକ୍ଷମ ବ୍ୟକ୍ତି କେହି ନ ଥିବାବେଳେ ପରିବାର ଉପରେ ୧୫ଜଣ ନିର୍ଭରଶୀଳ। ବୃଦ୍ଧା ହବୁ ବିବି ୨୦୧୪ରୁ ବାର୍ଦ୍ଧକ୍ୟ ଭତ୍ତା ଚଳିତବର୍ଷ ଜୁନମାସ ପର୍ଯ୍ୟନ୍ତ ପାଇ ଆସୁଥିଲେ। କିନ୍ତୁ ଆକ୍ରୋଶମୂଳକ ଭାବେ ତାଙ୍କର ବୟସ ହୋଇ ନ ଥିବା ଦର୍ଶାଯାଇ ସରକାରଙ୍କ ଏହି ସୁବିଧାରୁ ତାଙ୍କୁ ବଞ୍ଚତ୍ତ କରାଯାଇଛି ା ଅସୁସ୍ଥତା ପାଇଁ ଔଷଧ ଟିକେ ଖାଇବା ପାଇଁ ପାଖରେ ପଇସା ନ ଥିବା ବେଳେ ପେଟକୁ ଗଣ୍ଡେ ଦାନା ମଧ୍ୟ ମିଳୁ ନାହିଁ ା ପୁଣିଥରେ ତାଙ୍କୁ ଭତ୍ତା ସୁବିଧାରେ ସାମିଲ କରିବା ସହିତ ରୋଗ ଚିକିତ୍ସା ପାଇଁ ସହାୟତା ପାଇବା ଆଶାରେ ବିଛଣାରୁ ଉଠି ପାରୁ ନ ଥିବା ଏହି ବୃଦ୍ଧାଙ୍କୁ ପରିବାର ଲୋକେ ଜିଲାପାଳଙ୍କ ଅଭିଯୋଗ ଶିବିରକୁ ଟେକି ଟେକି ଆଣି ଧାରଣାରେ ବସିଥିଲେ।
