କେନ୍ଦ୍ରାପଡ଼ା ଅଫିସ/ଡେରାବିଶ, ୨୮।୭(ସ୍ବ.ପ୍ର.): କେନ୍ଦ୍ରାପଡ଼ା ଜିଲା ବାରିମୂଳ ଆଶ୍ରମ ମୁଖ୍ୟ ସାରଥି ଓରଫ ସନ୍ତୋଷ ରାଉଳ ଗତ ୨୫ ତାରିଖରେ ଜେଲରୁ ସର୍ତ୍ତମୂଳକ ଜାମିନ୍ରେ ମୁକୁଳିଛନ୍ତି। ଏହାପରେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ତତ୍ପର ହୋଇଉଠିଛି ା ୨୦୧୭ ସେପ୍ଟେମ୍ବର ୧ ରେ ଇଡି ପକ୍ଷରୁ ବାରିମୂଳ ମୌଜାରେ ସାରଥିଙ୍କ ୩ ଏକର ୪୨ ଡିସିମିଲ ଜମି ଜବତ କରାଯାଇଥିଲା। ଏନେଇ ସେତେବେଳେ ମାମଲା (ଓସି ନଂ. ୭୨୮/ ୧୭)ରୁଜୁ କରାଯାଇଥିଲା। ଶନିବାର ଜବତ ହୋଇଥିବା ଏହି ସବୁ ଜମି ଉପରେ ଇଡି ପକ୍ଷରୁ ସର୍ବସାଧାରଣଙ୍କ ଯାତାୟାତ ବାରଣ କରାଯାଇଛି। ଇଡିର ଏକ ୩ ଜଣିଆ ଟିମ୍ ଦିନ ୧୨ଟା ୪୫ରେ ବାରିମୂଳ ଆଶ୍ରମରେ ପହଞ୍ଚତ୍ଥିଲା। ଇଡିର ସହ ନିର୍ଦ୍ଦେଶକ ବିଜୟ କୁମାର ମିଶ୍ରଙ୍କ ନେତୃତ୍ୱରେ ଏହି ଟିମ୍ ଆସି ଆଶ୍ରମର ମୁଖ୍ୟ ଦ୍ୱାର ନିକଟରେ ଏକ ନୋଟିସ ବୋର୍ଡ ଲଗାଇଥିଲେ। ଏ ସମ୍ପର୍କରେ ମିଶ୍ର କହିଛନ୍ତି, କେନ୍ଦ୍ର ସରକାରଙ୍କ ପ୍ରିଭେନସନ୍ ଅଫ୍ ମନି ଲଣ୍ଡରିଂ ଆକ୍ଟ ୨୦୦୨ ଅନୁଯାୟୀ, ବିଭାଗର ପକ୍ଷରୁ ଏହି ନୋଟିସ ବୋର୍ଡ ଲଗାଯାଇଛି ା ବାରିମୂଳ ମୌଜାର ୨୬ ପ୍ଲଟ ଏଥିରେ ସାମିଲ କରାଯାଇଛି ା ବିଭାଗର ଜବତ ତାଲିକାରେ ଏହି ଜମିର ମାଲିକ ସନ୍ତୋଷ କୁମାର ରାଉଳ, ଶ୍ରୀମଦ ସାରଥି, ସତ୍ୟମ ଚାରିଟେବୁଲ ଟ୍ରଷ୍ଟ, ସତ୍ୟମ ଶେଖର ରାଉଳ, ପ୍ରବୀଣ କୁମାର ରାଉଳ ଓ ବିଚିତ୍ରାନନ୍ଦ ଭୂୟଁା ରହିଛନ୍ତିି ା ମାମଲା ନ ସରିବା ପର୍ଯ୍ୟନ୍ତ ଏହି ଜମିକୁ କେହି ଅଧିକାରକୁ ନେଇ ପାରିବେ ନାହିଁ ଅଥବା ହସ୍ତାନ୍ତର କରାଯାଇ ପାରିବ ନାହିଁ ବୋଲି ନୋଟିସ୍ରେ ଦର୍ଶାଯାଇଛି। ଏନେଇ ସମ୍ପୃକ୍ତ ତହସିଲଦାରଙ୍କୁ ଜଣାଇ ଦିଆଯାଇଛି ବୋଲି ମିଶ୍ର କହିଛନ୍ତି ା ସେକ୍ସନ୍ ୮(୪) ଅନୁଯାୟୀ, ଏଥିରେ ଖିଲାପକଲେ ଦଣ୍ଡିତ ହେବେ ବୋଲି ନୋଟିସ୍ ବୋର୍ଡରେ ଉଲ୍ଲେଖ କରାଯାଇଛି।
