ବହିଷ୍କୃତ ହେଲେ କଣ୍ଟ୍ରୋଲ ଡିଲର
10:12 pmMay 15, 2020 / 21

ବାହାନଗା, ୧୫ା୫(ଡି.ଏନ.ଏ.)-ବାଲେଶ୍ୱର ଜିଲା ବାହାନଗା ବ୍ଲକ ପଥରପେଣ୍ଠ ଗ୍ରାମର ପିଡିଏସ ସାମଗ୍ରୀ ବିକ୍ରି କରୁଥିବା କଣ୍ଟ୍ରୋଲ ଡିଲରଙ୍କୁ ବାଲେଶ୍ୱର ଉପଜିଲାପାଳ ନିଲୁ ମହାପାତ୍ର ବହିଷ୍କୃତ କରିଛନ୍ତି ା ପଥରପେଣ୍ଠ ଗ୍ରାମର କଣ୍ଟ୍ରୋଲ ଡିଲର ଅଜିତ୍‌ ମଳ୍ଲିକ ପିଡିଏସ ଚାଉଳ ଦେବାରେ ହେରଫେର କରିବା ସହିତ କାଗଜପତ୍ର ହେରଫେର ଓ ଆକାଉଣ୍ଟ ଖାତାରେ ଟଙ୍କା ଠିକ୍‌ ଭାବେ ଉଲ୍ଲେଖ ନ କରିବା ସହିତ ଲୋକମାନଙ୍କୁ ଚାଉଳ ଦେବା ପରିବର୍ତ୍ତେ ଟଙ୍କା ଦେଉଥିବା ଅଭିଯୋଗ ହୋଇଥିଲା ା ବାହାନଗା ବ୍ଲକ ମାର୍କେଟିଂ ଅଧିକାରିଣୀ ଏଲିନା ସାହୁ ତଦନ୍ତ କରି ବାଲେଶ୍ୱର ଉପଜିଲାପାଳଙ୍କୁ ରିପୋର୍ଟ ଦେଇଥିଲେ ା ତଦନ୍ତ ରିପୋର୍ଟକୁ ଉପଜିଲାପାଳ ଦେଖି ସମସ୍ତ ଖାତାପତ୍ର ନିଜେ ଯାଞ୍ଚ କରିବା ପରେ ଡିଲର ଅଜିତ ମଲ୍ଲିକଙ୍କୁ ବହିଷ୍କାର କରିଛନ୍ତି ା ଚଳିତ ମାସ ୬ତାରିଖରେ ସେ ଲୋକମାନଙ୍କୁ ଚାଉଳ ପରିବର୍ତ୍ତେ ଟଙ୍କା ଦେଉଥିବା ବେଳେ ତାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ତଦନ୍ତ ଆରମ୍ଭ ହୋଇଥିଲା। ତଦନ୍ତ ପରେ ଉପଜିଲାପାଳ ଚିଠି ନମ୍ବର ୨୦୦/୨୦୨୦ରେ ତାଙ୍କୁ ବହିଷ୍କାର କରିଥିଲେ ା