କ୍ରିକେଟରେ ଜଣେ ବ୍ୟାଟ୍ସମ୍ୟାନ ରନ୍ଆଉଟ୍ କେଉଁଭଳି ହୁଏ, ତାହା କ୍ରିକେଟ ପ୍ରଶଂସକଙ୍କୁ ଭଲ ସେ ଜଣା। କିନ୍ତୁ ପାକିସ୍ତାନର ପୂର୍ବତନ ଅଧିନାୟକ ତଥା ମହାନ ବ୍ୟାଟ୍ସମ୍ୟାନ ଇଞ୍ଜାମାମ ଉଲ ହକ୍ ୨୦୦୬ରେ ଭାରତ ବିପକ୍ଷରେ ଭିନ୍ନ କାରଣ ପାଇଁ ରନ୍ଆଉଟ୍ ଘୋଷିତ ହୋଇଥିଲେ। ପେଶାଓ୍ବରଠାରେ ଖେଳାଯାଇଥିବା ପ୍ରଥମ ଦିନିକିଆରେ ୩୦୦ରୁ ଅଧିକ ରନ୍ର ପିଛା କରୁଥିଲା ପାକିସ୍ତାନ। ୧୬ ରନ୍ କରିଥିବା ଇଞ୍ଜାମାମ ଭାରତୀୟ ପେସର ଏସ୍. ଶ୍ରୀସାନ୍ଥଙ୍କ ବଲକୁ ଷ୍ଟେପ ଆଉଟ୍ କରି ମିଡ୍ ଅଫ୍ ଅଞ୍ଚଳକୁ ଖେଳିଥିଲେ। ସେଠାରେ ଥିବା ସୁରେଶ ରାଇନା ବଲକୁ ଷ୍ଟମ୍ପ ଆଡ଼କୁ ଥ୍ରୋ କରିଥିଲେ। ମାତ୍ର ଇଞ୍ଜାମାମ କ୍ରିଜକୁ ଫେରିବାକୁ ଉଦ୍ୟମ କରିବା ପରିବର୍ତ୍ତେ ବ୍ୟାଟ୍ ଦେଖାଇ ବଲକୁ ଅଟକାଇ ଦେଇଥିଲେ। ଏହାକୁ ଭାରତୀୟ ଦଳର ଖେଳାଳିମାନେ ଅପିଲ କରିଥିଲେ। ଅମ୍ପାୟର ସାଇମନ ଟଫେଲ ସ୍କୋୟାର ଲେଗ୍ ଅମ୍ପାୟରଙ୍କ ସହ ଆଲୋଚନା ପରେ ଆଉଟ୍ ଦେଇଥିଲେ।
