ମୁମ୍ବାଇ,୧୦।୯: ଭାରତୀୟ କ୍ରିକେଟ ଜଗତରେ ନିଜର ଦମ୍ଦାର ପ୍ରଦର୍ଶନ ପାଇଁ ଜଣାଯାଉଥିବା ବିରାଟ କୋହଲିଙ୍କ ଭଳି ଦେଖାଯାଉଥିବା ଟିକ୍ ଟକ୍ ଷ୍ଟାର ଗୌରବ ଆରୋରା ଏବେ ବଲିଉଡ୍ରେ ପାଦ ଥାପିବାକୁ ଯାଉଛନ୍ତି। ଅଭିଷେକ ଶର୍ମାଙ୍କ ନିର୍ଦ୍ଦେଶିତ ଫିଲ୍ମ ‘ଦ ଜୋୟା ଫ୍ୟାକ୍ଟଟର’ରେ ଗୌରବ ନଜର ଆସିବେ ବୋଲି ଜଣାପଡ଼ିଛି। ଏହି ଫିଲ୍ମରେ ସୋନମ କପୁର, ଦୁଲକର ସଲମାନ, ଅଙ୍ଗଦ ବେଦୀ ଓ ସଞ୍ଜୟ କପୁରଙ୍କୁ ଦେଖିବାକୁ ମିଳିବ। ନିକଟରେ ରିଲିଜ୍ ହୋଇଥିବା ଫିଲ୍ମର ପ୍ରମୋଶନାଲ ଭିଡିଓରେ ଗୌରବଙ୍କୁ ଦେଖିବାକୁ ମିଳିଥିଲା। ଏଥିରେ ଗୌରବ ବିରାଟଙ୍କ ରୂପ ନେଇ ଡ୍ରେସିଂ ରୁମ୍ରେ ନିଜ ହାତରେ ବ୍ୟାଟ ଧରି ଅପେକ୍ଷା କରୁଥିବା ଦେଖିବାକୁ ମିଳିଛି। ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
ସେପ୍ଟେମ୍ବର ୨୦ରେ ଏହି ଫିଲ୍ମ ପରଦାକୁ ଆସିବାକୁ ଥିବା ବେଳେ ଏହାର ପ୍ରମୋଶନ ପାଇଁ ଏବେ ସୋନମ ବ୍ୟସ୍ତ ରହୁଛନ୍ତି। ଗୌରବଙ୍କ ମୁହଁ ପ୍ରାୟ ଭାରତୀୟ କ୍ରିକେଟର କ୍ୟାପଟେନ୍ ବିରାଟ କୋହଲିଙ୍କ ମୁହଁ ସହ ମିଶିଥାଏ। ତେଣୁ ଅଧିକ ସମୟରେ ଲୋକମାନେ ତାଙ୍କୁ ସତରେ ବିରାଟ ବୋଲି ଭାବିଥାନ୍ତି।
