ଲଖନପୁର,୧୧।୪(ଡି.ଏନ୍.ଏ.): ବନ୍ଧବାହାଲସ୍ଥିତ ଏମ୍ସିଏଲ୍ କୋଭିଡ୍ ଚିକିତ୍ସାଳୟକୁ ଶନିବାର ପୂର୍ବାହ୍ନରେ ବରଗଡ ଏମ୍ପି ସୁରେଶ ପୂଜାରୀ ପରିଦର୍ଶନ କରଛନ୍ତି। ୫୦ ଶଯ୍ୟା ବିଶିଷ୍ଟ ଏହି ଚିକିତ୍ସାଳୟକୁ ୧୦୦ଶଯ୍ୟା ବିଶିଷ୍ଟ କରିବା, ବିଭିନ୍ନ ବିଭାଗର ଡାକ୍ତର ଓ ଆବଶ୍ୟକ ସ୍ବାସ୍ଥ୍ୟକର୍ମୀ ଆଦି ନିଯୁକ୍ତି କରିବାକୁ ନେଇ କେନ୍ଦ୍ର କୋଇଲା ମନ୍ତ୍ରଣାଳୟ ସହିତ ଆଲୋଚନା କରିବେ ବୋଲି ପୂଜାରୀ କହିଛନ୍ତି। ଏମ୍ସିଏଲ୍ ଲଖନପୁର କ୍ଷେତ୍ର ମହାପ୍ରବନ୍ଧକ ଅନିଲ କୁମାର ସିଂହ, ଏପିଏମ୍ ସଞ୍ଜୀବ ଭରଦ୍ୱାଜ, ଡା. ଓ୍ବାଇ ସି ରାଓ, ଡା.ଅରବିନ୍ଦ କୁମାର ପ୍ରମୁଖଙ୍କ ସହିତ ସେ ଆଲୋଚନା କରିଥିଲେ। ଏହାପରେ ସେ ବେଲପାହାଡ, ବ୍ରଜରାଜନଗର ପୌରାଞ୍ଚଳ ଆଦି ପରିଦଶ ନର୍ କରି କରୋନା ନିୟନ୍ତ୍ରଣ ସମ୍ପର୍କରେ ପଚାରି ବୁଝିଥିଲେ। ସରକାରଙ୍କ ତରଫରୁ ଅସହାୟ ଲୋକଙ୍କୁ ଦିଆଯାଉଥିବା ରନ୍ଧାଖାଦ୍ୟ କେନ୍ଦ୍ର ମଧ୍ୟ ଯାଇ ପରିଦର୍ଶନ କରିଥିଲେ। କେତେକ ଲୋକଙ୍କୁ ଖାଉଟି ସାମଗ୍ରୀ ବଣ୍ଟନ କରି କରୋନା ନୟନ୍ତ୍ରଣ ସମ୍ପର୍କରେ ସଚେତନ କରିଥିଲେ। ଏହି ଅବସରରେ କେତେକ ଅନୁଷ୍ଠାନ ପ୍ରଧାନମନ୍ତ୍ରୀ ରିଲିଫ୍ ପାଣ୍ଠିକୁ ଡିମାଣ୍ଡ୍ ଡ୍ରାଫ୍ଟ ପ୍ରଦାନ କରିଥିଲେ। ତେବେ ବେଲପାହାଡ ପୌରାଞ୍ଚଳ ଅଧ୍ୟକ୍ଷ ପର୍ଶୁରାମ ସାହୁ, ନିର୍ବାହୀ ଅଧିକାରୀ ଲୋକନାଥ ତିଓ୍ବାରୀ ଓ ବ୍ରଜରାଜନଗର ପୌରାଞ୍ଜଳ ନିର୍ବାହୀ ଅଧିକାରୀ ଦିଲ୍ଲୀପ ପଟେଲ ପ୍ରମୁଖଙ୍କ ସହିତ ସେ ଆଲୋଚନା କରିଥିଲେ। ଜିଲା ପରିଷଦ ସଦସ୍ୟ ସାମଲ ନାୟକ, ବିଶ୍ୱଜିତ ଷଡୀ, ରଘୁନନ୍ଦନ ପଣ୍ଡା, ଅଜୟ ବିଶ୍ୱାଳ, ସମୀର ମିଶ୍ର, ପ୍ରମୋଦ ସେନାପତି, ତପନ ଜେନା, ସଞ୍ଜୟ ସିଂହ ଓ ତପନ ସ୍ବାଇଁ ପ୍ରମୁଖ ଉପସ୍ଥିତ ଥିଲେ।
