ବଲାଙ୍ଗୀର ଅଫିସ, ୨୭-୧୨:ବଲାଙ୍ଗୀରଠାରେ ନବନିର୍ମିତ ବିପିସିଏଲର ବଟ୍ଲିଂ ପ୍ଳାଣ୍ଟ ଏବଂ ରାଜେନ୍ଦ୍ର କଲେଜ ପ୍ଲାଟିନମ୍ ଜୁବିଲି ସମାରୋହ ଉଦ୍ଘାଟନ ସମାରୋହ ଶୁକ୍ରବାର ଅନୁଷ୍ଠିତ ହେବ। ଉଭୟ କାର୍ଯ୍ୟକ୍ରମରେ ଉଦ୍ଘାଟକ ଭାବେ ଯୋଗଦେବେ ଭାରତର ଉପରାଷ୍ଟ୍ରପତି ଏମ୍.ଭେଙ୍କିୟା ନାଇଡୁ। ସକାଳ ୮ଟା ୫ମିିନିଟ୍ରେ ରାୟପୁରରୁ ଭାରତୀୟ ବାୟୁସେନାର ହେଲିକପ୍ଟର ଯୋଗେ ଆସି ଉପରାଷ୍ଟପତି ନାଇଡୁ ପୂର୍ବାହ୍ନ ୯ଟାରେ ପଥରଚେପା ହେଲିପ୍ୟାଡରେ ପହଞ୍ଚତ୍ବେ। ସେଠାରୁ ବରକାନୀ ଯାଇ ବିପିସିଏଲର ବଟ୍ଲିଂ ପ୍ଳାଣ୍ଟକୁ ରାଷ୍ଟ୍ର ଉଦ୍ଦେଶ୍ୟରେ ସମର୍ପଣ କରିବେ। ପରେ ସେଠାରୁ ରାଜେନ୍ଦ୍ର କଲେଜକୁ ଆସି ପ୍ଳାଟିନମ୍ ଜୁବିଲି କାର୍ଯ୍ୟକ୍ରମରେ ପୂର୍ବାହ୍ନ ସାଢ଼େ ୧୦ଟାରେ ଯୋଗଦେବେ। ଉପରାଷ୍ଟ୍ରପତିଙ୍କ ଗସ୍ତକୁ ଆଖି ଆଗରେ ରଖି ବଲାଙ୍ଗୀର ସହରରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି। ସହରରେ ୩୦ ପ୍ଳାଟୁନ୍ ଫୋର୍ସ ମୁତୟନ କରାଯାଇଥିତ୍ବା ସମ୍ବଲପୁର ଡିଆଇଜି ହିମାଂଶୁ ଲାଲ ସୂଚନା ଦେଇଛନ୍ତି। ଗୁରୁବାର ଡିଆଇଜି ହିମାଂଶୁ ଲାଲ, ଏସ୍ପି ସନ୍ଦୀପ ମାଡକର ଓ ଜିଲାପାଳ ଅରିନ୍ଦମ ଡାକୁଆ ସମସ୍ତ ସୁରକ୍ଷା ତଦାରଖ କରିଛନ୍ତି। ଏହା ସହିତ ସମସ୍ତ କାର୍ଯ୍ୟ ପ୍ରୋଟକଲ ଅନୁଯାୟୀ ହେଉଥିବା ସୂଚନା ଦେଇଛନ୍ତି। ବିପିସିଏଲ୍ ବଟ୍ଲିଂ ପ୍ଲାଣ୍ଟ ଉଦ୍ଘାଟନ କାର୍ଯ୍ୟକ୍ରମରେ ଓଡିଶା ରାଜ୍ୟପାଳ ପ୍ରଫେସର ଗଣେଶୀ ଲାଲ, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଉଚ୍ଚଶିକ୍ଷା ମନ୍ତ୍ରୀ ଅରୁଣ ସାହୁ, ଏମ୍ପି ସଙ୍ଗୀତା କୁମାରୀ ସିଂଦେଓ, କନକ ବର୍ଦ୍ଧନ ସିଂଦେଓ ଅତିଥିଭାବେ ଯୋଗଦାନ କରିବେ। ପ୍ରଥମ ଥର ପାଇଁ ବଲାଙ୍ଗୀରକୁ ଦେଶର କୌଣସି ଉପରାଷ୍ଟ୍ରପତିଙ୍କ ଗସ୍ତ କାର୍ଯ୍ୟକ୍ରମ ହୋଇଛି। ତେବେ ପୂର୍ବରୁ ଏମ୍. ଭେଙ୍କିଆ ନାଇଡୁ ଭାଜପା ଦଳରେ କାର୍ଯ୍ୟକର୍ତ୍ତା ଥିତ୍ବାବେଳେ ବଲାଙ୍ଗୀର ଗସ୍ତରେ ଆସିଥିଲେ।
