ଚମ୍ପୁଆ,୨୮ା୫ (ଡି.ଏନ.ଏ.)-ଚମ୍ପୁଆ ବ୍ଲକ ଅନ୍ତର୍ଗତ ରଜିଆ ପଞ୍ଚାୟତର ପତଳା ଗ୍ରାମରେ ଗୁରୁବାର ସକାଳେ ବଜ୍ରପାତରେ ୨ଜଣ ଗୁରୁତର ହୋଇଛନ୍ତି। ସେମାନେ ହେଲେ ପାର୍ବତୀ ପାତ୍ର ଓ ଝୁମି ପାତ୍ର। ଗାଧେଇବାକୁ ଯାଉଥିବା ବେଳେ ସେମାନେ ବଜ୍ରପାତର ଶିକାର ହୋଇଥିଲେ। ପରିବାରେ ଉଭୟଙ୍କୁ ଉଦ୍ଧାର ଚମ୍ପୁଆ ଡାକ୍ତରଖାନାରେ ଚିକିତ୍ସା କରାଯାଉଛି। ଏହି ବଜ୍ରପାତ ନଟବର ପାତ୍ରଙ୍କ ଘରର କୋଣକୁ ମାରିଥିଲା। ଫଳରେ ଘରର ଅଜବେଷ୍ଟ ଗୁଡିକ ଭାଙ୍ଗି ଚୁରମାର ହୋଇଯାଇଛି। ଏପରିକି ଘର ଭିତରେ ବସ୍ତାରେ ଥିବା ଚାଉଳ ଓ ରୋଷେଇ ସାମଗ୍ରୀ ସହିତ ବିଦ୍ୟୁତ ବୋର୍ଡ ଓ ତାର ସବୁ ନଷ୍ଟ ହୋଇଯାଇଛି। ଏ ନେଇ ସ୍ଥାନୀୟ ତହସିଲଦାର ଆଲୋକ କୁମାର ପଟେଲ ଖବର ପାଇ ରାଜସ୍ବ ନିରୀକ୍ଷକଙ୍କ ତଦନ୍ତକୁ ଭିତ୍ତିକରି ସରକାରଙ୍କ ଗାଇଡ ଲାଇନ ଅନୁଯାୟୀ ତୁରନ୍ତ ପଲିଥିନ ଯୋଗାଇ ଦିଆଯିବ ବୋଲି ସୂଚନା ଦେଇଛନ୍ତି।
