ଜୟପୁର,୨୩।୯(ପି.ଟି.)- ପ୍ରୋ କବାଡି ଲିଗ୍ରେ ରବିବାର ଖେଳାଯାଇଥିବା ମ୍ୟାଚ୍ରେ ୟୁ ମୁମ୍ବା ୩୧- ୨୫ ବ୍ୟବଧାନରେ ଗୁଜରାଟ ଫର୍ଚ୍ୟୁନ୍ଜିଆଣ୍ଟ୍ସକୁ ପରାସ୍ତ କରିଛି। ସ୍ଥାନୀୟ ସବାଇ ମାନସିଂ ଷ୍ଟାଡିୟମରେ ଖେଳାଯାଇଥିବା ଏହି ମ୍ୟାଚ୍ରେ ୟୁ ମୁମ୍ବା ପାଇଁ ଅଭିଷେକ ସିଂ ଏ ସୁପର ୧୦ (୧୧ ରେଡ ପଏଣ୍ଟସ) ହାସଲ କରିଛନ୍ତି। ୟୁ ମୁମ୍ବା ପାଇଁ ଡିଫେନ୍ସରେ ସୁରିନ୍ଦର ସିଂ ଓ ହରେନ୍ଦ୍ର କୁମାର ଭଲ ପ୍ରଦର୍ଶନକରି ଉପଯୋଗୀ ପଏଣ୍ଟ ହାସଲ କରିଥିଲେ। ଏହି ବିଜୟ ସହ ମୁମ୍ବାଇର ଏହି ଦଳ ପଏଣ୍ଟ ତାଲିକାର ଚତୁର୍ଥ ସ୍ଥାନକୁ ଉଠିଛି ଓ ପ୍ଲେ ଅଫ୍ ପର୍ଯ୍ୟାୟ ଆଶାକୁ ଉଜ୍ଜୀବିତ ରଖିଛି। ଲିଗ୍ରେ ମୁମ୍ବାଇ ଓ ଗୁଜରାଟ ଡିଫେନ୍ସ ସବୁଠାରୁ ଉଚ୍ଚକୋଟୀର ରହିଥିବା ବେଳେ ଏହି ମ୍ୟାଚ୍ରେ କଡ଼ା ସଂଘର୍ଷ ଦେଖିବାକୁ ମିଳିଥିଲା। ଅନ୍ତିମ ୫ ମିନିଟ୍ରେ ଡିଫେନ୍ସରେ ଉଚ୍ଚକୋଟୀର ପ୍ରଦର୍ଶନ କରି ମୁମ୍ବାଇ ଶେଷରେ ବାଜି ମାରିଥିଲା।
