ଦେବଗଡ଼, ୮।୨(ଡି.ଏନ.ଏ)- ଗୁରୁବାର ରାତିରେ ଦେବଗଡ ଥାନା ଅଧୀନ ଆମ୍ବପାଳ ଗ୍ରାମ ନିକଟସ୍ଥ ରାଞ୍ଚି-ବିଜୟୱାଡା ରାଜପଥରେ ଏକ କାର ଦୁର୍ଘଟଣାଗସ୍ତ ହେବାରୁ ୨ଯୁବକଙ୍କ ମୃତ୍ୟୁ ଘଟିଛି। ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି ା
ଖବର ମୁତାବକ ରାତି ପ୍ରାୟ ୧୧ଟା ୩୦ରେ ଦେବଗଡ଼ ଥାନା ଅଧୀନ ବୁଢିବିଲ ଗ୍ରାମର ସଞ୍ଜୟ ନାୟକ(୨୨) ଓ ନିକ୍ତିମାଳ ଗ୍ରାମର ଦେବାନନ୍ଦ ବେହେରା(୧୯) ଏକ କାରରେ ସିଆରମାଳିଆ ଗ୍ରାମପଟୁ ବୁଢିବିଲ ଗ୍ରାମକୁ ଆସୁଥିଲେ। ଆମ୍ବପାଳ ଗ୍ରାମ ନିକଟରେ ଚାଳକ ସଞ୍ଜୟ କୌଣସି କାରଣରୁ ଭାରସାମ୍ୟ ହରାଇବାରୁ କାର ରାଜପଥର ଏକ ପୋଲରେ ପିଟିହେବା ପରେ ରାସ୍ତାତଳକୁ ଖସି ପଡିଥିଲା। ଫଳରେ ଚାଳକ ସଞ୍ଜୟ ଏବଂ କାରରେ ବସିଥିବା ଦେବାନନ୍ଦ ଗୁରୁତର ଆହତ ହୋଇଥିଲେ ା ସ୍ଥାନୀୟ ଲୋକେ ଉଭୟଙ୍କୁ ଗୁରୁତର ଅବସ୍ଥାରେ କାର ଭିତରୁ ଉଦ୍ଧାର କରି ଦେବଗଡ ଜିଲା ମୁଖ୍ୟ ଚିକିତ୍ସାଳୟକୁ ଆଣିଥିଲେ ା ମାତ୍ର ଡାକ୍ତର ଦେବାନନ୍ଦଙ୍କୁ ମୃତ ଘୋଷଣା କରିଥିଲେ ା ସେହିପରି ଚାଳକ ସଞ୍ଜୟଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ବୁର୍ଲା ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା । ମାତ୍ର ଚିକିତ୍ସାଧୀନ ଅବସ୍ଥାରେ ଶୁକ୍ରବାର ସକାଳେ ତାଙ୍କର ମୃତ୍ୟୁ ଘଟିଛି ା ଦେବଗଡ ଥାନା ପୋଲିସ ଏକ ମାମଲା ରୁଜୁ କରିବା ସହ ଦୁର୍ଘଟଣାଗ୍ରସ୍ତ କାରକୁ ଜବତ କରିଛି ା
