ରାଞ୍ଚି, ୨୦।୬: ବିବାହର ମାତ୍ର ୧୦ ଘଣ୍ଟା ପରେ କନ୍ୟାକୁ ଛାଡପତ୍ର ଦେଇ ଚର୍ଚ୍ଚାକୁ ଆସିଛନ୍ତି ବର। ଝାଡଖଣ୍ଡର ଦେଓଘରରେ ଘଟିଛି ଏହି ଘଟଣା। ବିବାହରେ କନ୍ୟାକୁ ପୁରୁଣା ପୋଷାକ ଦେବାରୁ କନ୍ୟାଘର ପକ୍ଷ ଏଭଳି ପଦକ୍ଷେପ ନେଇଛନ୍ତି। ମୁସଲମାନ ସମାଜରେ ବିବାହ ସମୟରେ ବରଘର ପକ୍ଷରୁ ଲେହେଙ୍ଗା ଏବଂ ଶାଲଓ୍ବାର ସୁଟ୍ କନ୍ୟାଙ୍କୁ ଦିଆଯିବାର ପ୍ରଥା ଅଛି। ବର ଘର ପକ୍ଷରୁ ଏହି ପୋଷାକ ପୁରୁଣା ଦିଆଯାଇଥିବାରୁ ଉଭୟ ପକ୍ଷ ପାଟିତୁଣ୍ଡ କରିଥିଲେ। ସ୍ଥାନୀୟ ବିଧାୟକଙ୍କ ଉପସ୍ଥିତିରେ ପଞ୍ଚାୟତ ବସିଥିଲା। କିନ୍ତୁ କୌଣସି ସମାଧାନ ହୋଇପାରି ନ ଥିଲା। ଫଳରେ କନ୍ୟା ଘର ଯୌତୁକରେ ଦେଇଥିବା ୩.୪୦ଲକ୍ଷ ଟଙ୍କାକୁ ବରଘର ଘର ଫେରାଇ ଦେଇଥିଲେ। ବିବାହ ସରିଥିବାରୁ ମୁସଲମାନ ପରମ୍ପରା ଅନୁଯାୟୀ ବର କନ୍ୟାଙ୍କୁ ତିନିଥର ତଲାକ୍ କହିଥିଲେ। ଫଳରେ ବାହାଘର ଭାଙ୍ଗିଯାଇଥିଲା।
