ବରଗଡ଼ ଅଫିସ୍,୨୯।୪: ବରଗଡ଼ ଜିଲା ପାଇକମାଲ ବ୍ଲକ ଅନ୍ତର୍ଗତ ଛେତଗାଁର ୩୫ଜଣ ଶ୍ରମିକ ପୁରୀ ଜିଲାକୁ ଦାଦନ ଖଟିବାକୁ ଯାଇ ସେଠାରେ ଅସୁରକ୍ଷିତ ଅବସ୍ଥାରେ ରହିଛନ୍ତି। ସେମାନେ ସମସ୍ତେ ଗୋପ ବ୍ଲକ ଅଚ୍ୟୁତପୁରଠାରେ ଥିବା ଏକ ଇଟାଭାଟିରେ କାମ କରୁଥିଲେ । ମାତ୍ର ଲକ୍ଡାଉନ୍ ଯୋଗୁ ଇଟା ଗଢ଼ିବା କାମ ବନ୍ଦ ହୋଇଯାଇଛି । ସେମାନେ ଘରକୁ ଫେରିବାକୁ ଚାହୁଁଥିଲେ ମଧ୍ୟ ଲକ୍ଡାଉନ ଯୋଗୁ ଏଠାକୁ ଆସି ପାରୁ ନାହାନ୍ତି। ସେଠାକାର ଏକ ଅସୁରକ୍ଷିତ ସ୍ଥାନରେ ତମ୍ବୁ ଗାଡ଼ି ଶ୍ରମିକମାନେ ଆଶ୍ରୟ ନେଇଛନ୍ତି । ଏପରିକି ସେଠାରେ ସେମାନଙ୍କ ଖାଇବା, ପିଇବା କ୍ଷେତ୍ରରେ ମଧ୍ୟ ସମସ୍ୟା ଉପୁଜିଛି । ଫଳରେ ସେମାନଙ୍କ ଖାଇବା, ପିଇବା ବନ୍ଦୋବସ୍ତ କରିବା ସହିତ ଅସୁରକ୍ଷିତ ଅବସ୍ଥାରେ ରହିଥିବା ଶ୍ରମିକଙ୍କୁ ସେମାନଙ୍କ ଘରକୁ ଫେରାଇବା ଦିଗରେ ପଦକ୍ଷେପ ନେବା ପାଇଁ ସେମାନେ ଜିଲା ପ୍ରଶାସନକୁ ଆକୁଳ ନିବେଦନ କରିଛନ୍ତି ।
