ନୂଆଦିଲ୍ଲୀ, ୨୪।୮: ପୂର୍ବତନ ଅର୍ଥମନ୍ତ୍ରୀ ଅରୁଣ ଜେଟଲୀଙ୍କର ଶନିବାର ୬୬ ବର୍ଷ ବୟସରେ ପରଲୋକ ଘଟିଛି। ୧୯୫୨ ଡିସେମ୍ବର ୨୮ରେ ସେ ଦିଲ୍ଲୀରେ ଜନ୍ମଗ୍ରହଣ କରିଥିଲେ। ଅରୁଣଙ୍କ ବିବାହ ୧୯୮୨ରେ ସଙ୍ଗୀତାଙ୍କ ସହିତ ହୋଇଥିଲା। ଅରୁଣଙ୍କ ପରି ଝିଅ ସୋନାଲୀ ଜେଟଲୀ ଏବଂ ପୁଅ ରୋହନ ଜେଟଲୀ ମଧ୍ୟ ଆଇନ ପାଠ ପଢ଼ିବା ପରେ ଆଇନଜୀବୀ ଅଛନ୍ତି। ଅରୁଣଙ୍କ ପିତା କିଶନ ଜେଟଲୀ ମଧ୍ୟ ଜଣେ ଆଇନଜୀବୀ ଥିଲେ। ଏବେ ଅରୁଣଙ୍କ ପରିବାରର ତୃତୀୟ ପିଢ଼ି ମଧ୍ୟ ଆଇନକୁ ପେଶା ଭାବେ ଗ୍ରହଣ କରିଛନ୍ତି। ଅରୁଣଙ୍କ ମୃତ୍ୟୁରେ ସ୍ତ୍ରର ସଙ୍ଗୀତା ଏବଂ ଝିଅ ପୁଅ ମର୍ମାହତ ହୋଇପଡ଼ିଛନ୍ତି। ସୂଚନାଯୋଗ୍ୟ, ୨୦୧୫ରେ ସୋନାଲୀଙ୍କ ବିବାହ ବ୍ୟବସାୟୀ ତଥା ଆଇନଜୀବୀ ଜୟେଶ ବକ୍ସିଙ୍କ ସହିତ ହୋଇଥିଲା। ବିବାହ ଉତ୍ସବରେ ବଲିଉଡ୍ ଅଭିନେତା ଶାହରୁଖ୍ ଖାଁଙ୍କ ସମେତ ଚଳଚ୍ଚିତ୍ର ଜଗତର ଖ୍ୟାତି ସମ୍ପନ୍ନ ବ୍ୟକ୍ତି ବିଶେଷ ଯୋଗଦେଇଥିଲେ।
