ନୂଆଦିଲ୍ଲୀ,୧୨।୬: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିମାନ ପାକିସ୍ତାନ ରାସ୍ତାରୁ କିର୍ଗିଜ୍ସ୍ତାନ ଯିବ ନାହିଁ। ଭିଭିଆଇପି ବିମାନ ଓମାନ, ଇରାନ ଓ ମଧ୍ୟ ଏସିଆ ଦେଶ ଦେଇ କିର୍ଗିଜ୍ସ୍ତାନର ବିଶକେକ ଯିବ ବୋଲି ପ୍ରଶାସନିକ ଅଧିକାରୀ ସୂଚନା ଦେଇଛନ୍ତି। ଜୁନ ୧୩ ଓ୧୪କୁ ଆୟୋଜିତ ହୋଇଥିବା ଏସ୍ସିଓ ଶିଖର ସମ୍ମିଳନୀରେ ପ୍ରଧାନମନ୍ତ୍ରୀ ମୋଦି ସାମିଲ ହେବାକୁ ଯାଉଛନ୍ତି। ଏଥିରେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାଁ ମଧ୍ୟ ଯୋଗଦେବେ। ପୂର୍ବରୁ ତାଙ୍କର ବିମାନ ପାକିସ୍ତାନ ରାସ୍ତା ଦେଇ ଯିବ ବୋଲି କୁହାଯାଉଥିବା ବେଳେ ଏଥିପାଇଁ ଇମ୍ରାନ ସରକାର ମଧ୍ୟ ଅନୁମତି ଦେଇଥିଲେ। ହେଲେ ଶେଷ ସମୟରେ ତାଙ୍କ ଯାତ୍ରାରେ କିଛି ପରିବର୍ତ୍ତନ ଆସିଥିବା ଜଣାପଡ଼ିଛି।
