ଇସ୍ଲାମାବାଦ,୫ ।୪: ଚାଇନାରୁ ଆରମ୍ଭ ହୋଇଥିବା କରୋନା ଭାଇରସ ଏବେ ଏକ ପ୍ରକାର ସାରା ବିଶ୍ୱକୁ ବ୍ୟାପି ଗଲାଣି କହିଲେ ଚଳେ । ତେବେ ଏହି ଭାଇରସଠାରୁ ଦୂରେଇ ରହିବାକୁ ମାସ୍କ ଓ ସାନିଟାଇଜର ବ୍ୟବହାର କରିବାକୁ ପରାମର୍ଶ ଦିଆଯାଇଥିବା ବେଳେ ଏହାର ଚାହିଦା ବଢିଯାଇଥିଲା । ପାକିସ୍ତାନରେ ବହୁପରିମାଣରେ ମାସ୍କ ଆବଶ୍ୟକ ପଡିବାରୁ ଚାଇନା ତା’ର ବନ୍ଧୁ ପାକିସ୍ତାନକୁ ମାସ୍କ ଦେବାକୁ କହିଥିଲା । ହେଲେ ଏଥିରେ ଚାଇନା ପାକିସ୍ତାନକୁ ଧୋକା ଦେଇଛି ବୋଲି ଜଣାପଡିଛି । କାହିଁକିନା ଚାଇନାରୁ ପାକିସ୍ତାନକୁ ଯେଉଁ ମାସ୍କ ଆସିଛି ତାହା ଅଣ୍ଡରଗାର୍ମେଣ୍ଟରେ ତିଆରି ବୋଲି କହିଛି ପାକିସ୍ତାନ । ଏହା ପହଞ୍ଚିବା ପରେ ଏହି ଖବର ପାକିସ୍ତାନ ଗଣମାଧ୍ୟମର ଶିରୋନାମାକୁ ଚାଲି ଆସିଥିବା ଜଣାପଡିଛି । ଏମିତି ମାସ୍କ ବ୍ୟବହାର କରିବାକୁ ପାକିସ୍ତାନର ଡାକ୍ତରମାନେ ମଧ୍ୟ ମନା କରିଦେଇଥିବା ଜଣାପଡିଛି । ତେବେ ଏନ୍-୯୫ ମାସ୍କ ପରିବର୍ତ୍ତେ ପାକିସ୍ତାନ ଏହି ମାସ୍କକୁ ନେଇ ଚାଇନା ଉପରେ ଖପ୍ପା ହୋଇଛି । ଏହା ଆଦୌ ସୁରକ୍ଷିତ ନୁହେଁ ବୋଲି କହିଛି ପାକିସ୍ତାନ । ସୂଚନାଯୋଗ୍ୟ, ଏହା ପୂର୍ବରୁ ମାସ୍କକୁ ନେଇ ଚାଇନା ଉପରେ ଅଭିଯୋଗ ଆଣିଥିଲା ୟୁରୋପ । ଏହାକୁ ଦେଖି ନେଦରଲ୍ୟାଣ୍ଡସ୍ ଓ ସ୍ପେନ ଚାଇନାରୁ ମାସ୍କ ମଗାଇବାକୁ ମନା କରି ଦେଇଥିଲା ବୋଲି କୁହାଯାଏ ।
