ବଅଁରପାଳ, ୩୧।୭ (ଡି.ଏନ୍.ଏ.)-ବଅଁରପାଳ ବ୍ଲକ ମହୀଧରପୁର ଅଞ୍ଚଳକୁ ପଶି ଆସିଥିବା ଏକ ହାତୀପଲକୁ ନେଇ ମହୀଧରପୁର, ତଳମୂଳ, କାଳିହୁଣ୍ଡି, କୁରୁମିଠା, ମାଧିଆପଶି ଆଦି ଅଞ୍ଚଳର ଲୋକେ ଆତଙ୍କିତ ହୋଇପଡ଼ିଛନ୍ତି। ଏହି ପଲରେ ୩ ଛୁଆ ହାତୀ ଥିବା ଖବର ପାଇ ହିନ୍ଦୋଳ ବନ ବିଭାଗ କର୍ମଚାରୀମାନେ ସ୍ଥାନୀୟ ଲୋକଙ୍କ ସହାୟତାରେ ହାତୀ ଘଉଡ଼ାଇବା କାର୍ଯ୍ୟରେ ଲାଗି ପଡ଼ିଛନ୍ତି। ହାତୀଙ୍କ ଯୋଗୁ ମହୀଧରପୁର, ତଳମୂଳ, କାଳୁହୁଣ୍ଡ ଅଞ୍ଚଳରେ ବହୁ ଫସଲ ନଷ୍ଟ ହୋଇଥିବାରୁ କ୍ଷତିପୂରଣ ଦେବାକୁ ବନ ବିଭାଗ ନିକଟରେ ଚାଷୀମାନେ ଦାବି କରିଛନ୍ତି। ବନ ବିଭାଗର ସୂଚନା ଅନୁଯାୟୀ, ଏହି ହାତୀପଲ ଢେଙ୍କାନାଳ ଜିଲାଆଡ଼ୁ ଆସି ପାଟଲା, ତଳମୂଳ, ମହୀଧରପୁର ନିକଟରେ ଥିବା କାଳିଲଙ୍ଗା ଆମ୍ବତୋଟା ଦେଇ ଧାନ ବିଲକୁ ପଶିଥିଲେ। ସନ୍ଧ୍ୟା ସୁଦ୍ଧା ହାତୀସବୁ ମହୀଧରପୁର ବନ୍ଧ ନିକଟରେ ଥିବା ଜଣାପଡ଼ିଛି।
