ଉଦଳା, ୨୨।୯ (ଡି.ଏନ.ଏ.) – ପଲିଥିନ ବ୍ୟବହାର ରୋକିବା ଲାଗି ଆସନ୍ତା ଅକ୍ଟୋବର ୨ ତାରିଖ ଠାରୁ ପ୍ରଶାସନ ତରଫରୁ ଗ୍ରହଣ କରାଯିବ କଡ଼ା କାର୍ଯ୍ୟାନୁଷ୍ଠାନ ା ତେବେ ମୟୂରଭଞ୍ଜ ଜିଲା ଉଦଳା ଏନଏସି ଇଲାକାରେ ଶନିବାର ପ୍ରଶାସନ ତରଫରୁ ବ୍ୟବସାୟୀଙ୍କ ଉପରେ ଚଢାଉ କରାଯାଇଥିଲା। ଉଦଳା ଏନଏସି ପକ୍ଷରୁ ଗଠିତ ସ୍ବତନ୍ତ୍ର ଟିମ୍ ପ୍ରାୟ ୨୦ ରୁ ଅଧିକ ଛୋଟ ବଡ ବ୍ୟବସାୟିକ ଅନୁଷ୍ଠାନ, ହୋଟେଲ, ଜଳଖିଆ ଦୋକାନ ଉପରେ ଚଢାଉ କରି ୮ ହଜାର ଟଙ୍କା ଜରିମାନା ଆଦାୟ କରିଥିଲା। ପୋଲିସ୍ ଓ ପ୍ରଶାସନର ଏହି ମିଳିତ ଚଢାଉରେ ପଲିଥିନ୍, ଥର୍ମୋକୁଲ୍ ପ୍ଲେଟ, ଦନା ଜବତ କରାଯିବା ସହିତ ସଚେତନତାମୂଳକ ନାମକୁ ମାତ୍ର ଜରିମାନା ଆଦାୟ କରାଯାଇଥିଲା ବୋଲି ଏନଏସି କାର୍ଯ୍ୟନିର୍ବାହୀ ଅଧିକାରୀ ରତନ କୁମାର ପଟ୍ଟନାୟକ ସୂଚନା ଦେଇଛନ୍ତି ା ଏଭଳିି ଚଢାଉ ଜାରି ରହିବ ଏବଂ ଆସନ୍ତା ୨ ତାରିଖଠାରୁ ଏହାକୁ ଅଧିକ କଡ଼ାକଡ଼ି କରାଯିବ ା ଶନିବାର ଚଢାଉ ବେଳେ ଏନଏସି ଅଧିକାରୀ ରତନ କୁମାର ପଟ୍ଟନାୟକ, ଉଦଳା ଥାନା ସବଇନ୍ସପେକ୍ଟର ଅମ୍ବିକା ଦାସ, ଅତିରିକ୍ତ ତହସିଲଦାର ମହେନ୍ଦ୍ର ବେହେରା ଏବଂ ବିଜ୍ଞାପିତ ଅଞ୍ଚଳ ପରିଷଦର କର୍ମଚାରୀମାନେ ସହଯୋଗ କରିଥିଲେ ା
