ଆଲିଆ ଏବଂ ରଣବୀରଙ୍କ ରିଲେସନଶିପକୁ ନେଇ ଚର୍ଚ୍ଚା କମୁନି। କିଛିଦିନ ତଳେ ଦୁଇଜଣ ଯାକ ନ୍ୟୁୟର୍କରେ ଛୁଟି ମନାଉଥିବା ଖବର ଆସିଥିଲା। ତେବେ ଛୁଟି କଟାଇ ମୁମ୍ବାଇ ଫେରିବା ପରେ କ୍ୟାନସର ପୀଡ଼ିତ ଋଷି କପୁରଙ୍କ ଭେଟିବା ପାଇଁ ଯାଇଥିଲେ। ଏୟାରପୋର୍ଟରେ ଆଲିଆ-ରଣବୀରଙ୍କୁ ଦେଖି ଫ୍ୟାନ୍ମାନେ ଘେରିଯାଇ ଫଟୋ ଉଠାଇବାରେ ଲାଗିଗଲେ। ଏଠାରେ ପୂରା କପୁର ଫ୍ୟାମିଲି ସହ ଆଲିଆଙ୍କୁ ମଧ୍ୟ ଦେଖିବାକୁ ମିଳିଥିଲା। କ୍ୟାମେରା ସାମ୍ନାରେ ଆଲିଆ ମୁରୁକି ହସୁଥିବାବେଳେ ରଣବୀର କିନ୍ତୁ ମୁହଁ ଲୁଚାଇଥିଲେ। ଯାହାର ଏକ ଫଟୋ ସୋସିଆଲ ମିଡିଆରେ ଭାଇରାଲ ହୋଇଛି। କହିରଖୁଛୁ, ଆଲିଆ ଏବଂ ରଣବୀର ବାରଣସୀରେ ଫିଲ୍ମ ‘ବ୍ରହ୍ମାସ୍ତ୍ର’ର ଶୁଟିଂ ସାରିଛନ୍ତି। ଫିଲ୍ମଟିର ନିର୍ଦ୍ଦେଶନା ଦେଇଛନ୍ତି ଆୟନ ମୁଖାର୍ଜୀ। ଆଲିଆ-ରଣବୀରଙ୍କ ବ୍ୟତୀତ ଏଥିରେ ଅମିତାଭ ବଚ୍ଚନ, ନାଗାର୍ଜ୍ଜୁନ, ମୌନୀ ରାୟ ପ୍ରମୁଖ ଅଭିନୟ କରୁଛନ୍ତି। ଫିଲ୍ମଟି ଆସନ୍ତାବର୍ଷ ରିଲିଜ ହେବ ବୋଲି ଜଣାପଡ଼ିଛି।
