ଲଣ୍ଡନ,୨୬-୭: ବ୍ରିଟେନର ଓ୍ବେଷ୍ଟ ମିନଷ୍ଟର ଅଦାଲତ ପଳାତକ ହୀରା ବ୍ୟବସାୟୀ ନୀରବ ମୋଦିଙ୍କ ହାଜତ ମିଆଦକୁ ଅଗଷ୍ଟ ୨୨ ଯାଏ ବୃଦ୍ଧି କରିଛନ୍ତି। ଏଥିପୂର୍ବରୁ ବ୍ରିଟିଶ ଉଚ୍ଚ ଅଦାଲତ ଜୁନ୍ ୧୨ରେ ତାଙ୍କର ଜାମିନ ଆବେଦନକୁ ଖାରଜ କରି ଜୁଲାଇ ୨୫ ପର୍ଯ୍ୟନ୍ତ ହାଜତରେ ରହିବା ଲାଗି ନିର୍ଦ୍ଦେଶ ଦେଇଥିଲେ। ଓ୍ବାଣ୍ଡସ୍ଓ୍ବର୍ଥ ଜେଲ୍ରୁ ଭିଡିଓ କନଫରେନ୍ସ ଜରିଆରେ ନୀରବଙ୍କୁ କୋର୍ଟରେ ହାଜର କରାଯାଇଥିଲା। ତାଙ୍କ ପକ୍ଷରୁ ଆଗତ ୪ଥର ଜାମିନ ଆବେଦନକୁ ଅଦାଲତ ଖାରଜ କରିସାରିଛନ୍ତି। ପଞ୍ଜାବ ନ୍ୟାଶନାଲ ବ୍ୟାଙ୍କ ମହାଦୁର୍ନୀତି ମାମଲାରେ ତାଙ୍କୁ ପ୍ରତ୍ୟର୍ପଣ ଲାଗି ଭାରତ ପକ୍ଷରୁ ଆବେଦନ କରାଯାଇଛି। ଚିଫ୍ ମାଜିଷ୍ଟ୍ରେଟ ଏମ୍ମା ଆର୍ବୁଥନଟ୍ କହିଛନ୍ତି ଯେ, ଆସନ୍ତାବର୍ଷ ମେ’ରେ ନୀରବଙ୍କ ପ୍ରତ୍ୟର୍ପଣ ନେଇ ୫ ଦିନିଆ ଶୁଣାଣି ହେବ। ସମସ୍ତ ପକ୍ଷଙ୍କ ମଧ୍ୟ ସହମତି ଭିତ୍ତିରେ ତାରିଖ ଧାର୍ଯ୍ୟ କରାଯିବ।
