ନ୍ୟୁୟର୍କ: ଆର୍ଲବଟ ଆଇନ୍ଷ୍ଟାଇନଙ୍କ ପିଲାଦିନର ପ୍ରିୟ ଖେଳନା ମୋଜାଇକ୍ ପର୍ଲ ଗେମ୍ ଆସନ୍ତା ମାସରେ ନିଲାମ ହେବ। ଏହା ୬୦ ହଜାର ଡଲାର ଅର୍ଥାତ୍ ଭାରତୀୟ ମୁଦ୍ରାରେ ୪୨.୯୨ ଲକ୍ଷ ଟଙ୍କାରେ ନିଲାମ ହେବ। ଏହି ଖେଳନାରେ ୫୨୦ଟି ରଙ୍ଗୀନ ମୋତି ଏବଂ ଛୋଟ ବଲ୍ ରହିଛି। ଯାହା ପାର୍ଟନ ତିଆରି କରିବାରେ ପାଞ୍ଚଟି ହୋଲ୍ ଫ୍ରେମ୍ରେ ରଖାଯାଇଛି। ବିକ୍ରେତା ବୋହ୍ନମ୍ସ ନ୍ୟୁୟର୍କରେ କହିଛନ୍ତି, ଆଇନ୍ଷ୍ଟାଇନଙ୍କ ଏହି ଖେଳନା ଦୁର୍ଲଭ ଅଟେ। ଏହା ଯୁବପିଢ଼ିଙ୍କ ପାଇଁ ବହୁ ଜରୁରୀ। ଏହାର ଆକାର ୭.୩ ମିଟର ଏବଂ ଚଉଡ଼ା ୧.୫ ମିଟର। ୬ ମାର୍ଚ୍ଚରେ ଏହା ବିକ୍ରି ହେବ।
ଏକ ରିପୋର୍ଟରୁ ପ୍ରକାଶ, ଏହାକୁ ଆଇନ୍ଷ୍ଟାଇନ୍ ନିଜ ପାଖରେ ଶେଷ ଜୀବନ ପର୍ଯ୍ୟନ୍ତ ରଖିଥିଲେ। ତାଙ୍କ ନିଧନ ସମୟରେ ଉପହାର ସଦୃଶ ଦିଆଯାଇଥିଲା। ପିଲାଦିନେ ଆଇନ୍ଷ୍ଟାଇନ ଏହି ଖେଳ ଖେଳିବାକୁ ବହୁ ପସନ୍ଦ କରୁଥିଲେ ବୋଲି ତାଙ୍କ ଭଉଣୀ ମେଜା ଏପ୍୍ସିଷ୍ଟିନ୍ ଏକ ସାକ୍ଷାତକାରରେ କହିଛନ୍ତି। ଏହି ଖେଳରେ ଅଧିକ ପଜଲ୍ ବା ପହଳିକା, ବିଲ୍ଡିଂ ବ୍ଲକ୍ସ ଆଦି ରହିଛି। ଏହି ଖେଳନା ଗୋଟିଏ ବର୍ଷ ସଂଗ୍ରାହାଳୟରେ ଥିଲା। ୧୯୫୫ ଏପ୍ରିଲ ୧୮ରେ ତାଙ୍କ ମୃତ୍ୟୁପରେ ଜଣେ ବନ୍ଧୁଙ୍କୁ ଉପହାର ସଦୃଶ ଦିଆଯାଇଥିଲା। ଆର୍ଲବଟ ଆଇନ୍ଷ୍ଟାଇନ ବିଶ୍ୱପ୍ରସିଦ୍ଧ ବୈଜ୍ଞାନିକଙ୍କ ମଧ୍ୟରୁ ଅନ୍ୟତମ। ୧୮୭୯ ମାର୍ଚ୍ଚ ୧୪ରେ ଜର୍ମାନରେ ତାଙ୍କର ଜନ୍ମ ହୋଇଥିଲା। ୧୯୧୬ରେ ଆଇନ୍ଷ୍ଟାଇନଙ୍କ ବହି ଜେନେରାଲ ଥିଓରୀ ଅଫ୍ ରିଲେଟିଭିଟିରେ ଏହା ପ୍ରକାଶ ପାଇଥିଲା। ମାତ୍ର ୨୬ ବର୍ଷ ବୟସରେ ଆଇନ୍ଷ୍ଟାଇନ ଏହି ବହି ଲେଖିଥିଲେ। ଏଥିପାଇଁ ତାଙ୍କୁ ୧୯୨୧ରେ ଗ୍ଲୋବାଲ ପୁରସ୍କାର ମିଳିଥିଲା। ପିଲାଦିନେ ଖେଳ ଏବଂ ସଂଗୀତରେ ଆଇନ୍ଷ୍ଟାଇନଙ୍କ ରୁଚି ଥିଲା।
