ବଡ଼ସାହି,୨୦ା୯(ସ୍ବ.ପ୍ର)- ବଡ଼ସାହି ବ୍ଲକ ଅଧୀନ ହରିପୁର ଉନ୍ନିତ ଉପ୍ରା ବିଦ୍ୟାଳୟରେ ଛାତ୍ରୀଛାତ୍ରମାନଙ୍କୁ ପୋଷାକ ଓ ଜୋତା ବିତରଣକୁ ନେଇ ଗୁରୁବାର ଉତ୍ତେଜନା ପ୍ରକାଶ ପାଇଛି ା ନିମ୍ନମାନର ପୋଷାକ ଓ ଜୋତାକୁ ସ୍କୁଲ ଚେୟାରମ୍ୟାନ ବିତରଣ କରୁଥିବା ଜଣାପଡିବା ପରେ ଅଭିଭାବକ ଓ ଗ୍ରାମବାସୀ ଏହାକୁ ବିରୋଧ କରିଥିଲେ। ଏ ସମ୍ପର୍କରେ ପ୍ରଧାନ ଶିକ୍ଷୟିତ୍ରୀ କିମ୍ବା ପରିଚାଳନା କମିଟିର ଅନ୍ୟ ସଦସ୍ୟମାନେ ଜାଣି ନ ଥିବାରୁ ଏଭଳି ପରିସ୍ଥିତି ଉପୁଜିଥିଲା ା ପୋଷାକ ଓ ଜୋତା ଫେରାଇ ଦେବା ପରେ ପରିସ୍ଥିତି ସ୍ବାଭାବିକ ହୋଇଥିଲା।
ଅଭିଭାବକଙ୍କ ଅଭିଯୋଗ ଅନୁଯାୟୀ, ଉକ୍ତ ବିଦ୍ୟାଳୟରେ ପ୍ରଥମରୁ ସପ୍ତମ ଶ୍ରେଣୀରେ ୨୫୨ଜଣ ଛାତ୍ରୀଛାତ୍ର ଅଧ୍ୟୟନ କରୁଛନ୍ତି ା ସେମାନଙ୍କ ପାଇଁ ଉଦ୍ଦିଷ୍ଟ ଦୁଇ ହଳ ପୋଷାକ, ହଳେ ଲେଖାଏଁ ଜୋତା ଓ ମୋଜା ପ୍ରଦାନ କରିବା ପାଇଁ ପରିଚାଳନା କମିଟିର ଚେୟାରମ୍ୟାନ ସ୍କୁଲକୁ ଆଣିଥିଲେ ା ମାତ୍ର ସେହି ଜିନିଷ ଗୁଡିକର ମାନ ଅତି ନିମ୍ନମାନର ହୋଇଥିବାରୁ ଅସନ୍ତୋଷ ପ୍ରକାଶ ପାଇଥିଲା ା ଖବର ପ୍ରଚାରିତ ହେବା ପରେ ଅଭିଭାବକ ଓ ଗ୍ରାମବାସୀ ସ୍କୁଲରେ ପହଞ୍ଚି ପୋଷାକ ଓ ଜୋତା ଗୁଡିକ ଦେଖି ପାଟିତୁଣ୍ଡ କରିଥିଲେ ା ତେବେ ବିଦ୍ୟାଳୟ କର୍ତ୍ତୃପକ୍ଷଙ୍କୁ ନ ଜଣାଇ ମନୋମୁଖି ଭାବେ ଏପରି ଜିନିଷ କିଣାଯାଇଥିବାରୁ ଅଭିଭାବକ ମହଲରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିଲା। ସ୍କୁଲ ଖୋଲିବା ସମୟରୁ ଅପରାହ୍ନ ୧ଟା ପର୍ଯ୍ୟନ୍ତ ସ୍କୁଲ ପରିସରରେ ଉତ୍ତେଜନା ଲାଗି ରହିଥିଲା। ତେବେ ବଣ୍ଟନ ପାଇଁ ଆସିଥିବା ପୋଷାକ ଓ ଜୋତା ଫେରାଇ ଦିଆଯିବା ପରେ ପରିସ୍ଥିତି ସ୍ବାଭାବିକ ହୋଇଥିଲା। ଅନ୍ୟପକ୍ଷେ ପରିଚଳାନା କମିଟିର ଉପସଭାପତି ସୁକାନ୍ତ ପରମାଣିକ ଓ ସମସ୍ତ ସଦସ୍ୟ ସମସ୍ୟା ସମ୍ପର୍କରେ ଆଲୋଚନା କରି ଉନ୍ନତମାନର ପୋଷାକ ଓ ଜୋତା କିଣାଯାଇ ଛାତ୍ରୀଛାତ୍ରଙ୍କୁ ପ୍ରଦାନ କରାଯିବ ବୋଲି ନିଷ୍ପତ୍ତି ନେଇଥିବା ଜଣାପଡିଛି। ଏଥିନେଇ ସ୍କୁଲର ପ୍ରଧାନ ଶିକ୍ଷୟିତ୍ରୀ ରାଣୀ ଦେଈ କୁହନ୍ତି, ପରିଚାଳନା କମିଟିର ଚେୟାରମ୍ୟାନ ଏହି ଜିନିଷ ଗୁଡିକ ଆଣିଥିଲେ। କିଣାଯାଇଥିବା ଜିନିଷର ମାନ କିପରି ରହିଛି ତାହା ମୁଁ ଜାଣି ନାହିଁ ା ଚେୟାରମ୍ୟାନ ସୁରଥ ବଧୁକ କୁହନ୍ତି, ପୋଷାକ ଓ ଜୋତା କିଣାରେ ଯେଉଁ ସଂସ୍ଥା ଅଧିକ ପିସି ପ୍ରଦାନ କରିବ ସେହି ସଂସ୍ଥା ଠାରୁ ସମସ୍ତ ଜିନିଷ କିଣାଯାଇ ପ୍ରଦାନ କରାଯିବ ବୋଲି ପ୍ରକାଶ କରିଛନ୍ତି ା ସ୍କୁଲ ପରିଚାଳନାରେ ତ୍ରୁଟିରେ ସୁଧାର ଆଣିବା ପାଇଁ କମିଟି ଗଠନ କରାଯାଉଛି ା ମାତ୍ର କୋମଳମତି ଛାତ୍ରୀଛାତ୍ରଙ୍କ ପୋଷାକ ଓ ଜୋତା କିଣାରେ ପିସି କାରବାର, ମଧ୍ୟାହ୍ନ ଭୋଜନରେ ଅନିୟମିତତା ଓ ବିଦ୍ୟାଳୟକୁ ଆସୁଥିବା ଅର୍ଥକୁ ହଡପ କରି ଶିକ୍ଷାର ମାନକୁ ହ୍ରାସ କରୁଥିବା ବ୍ୟକ୍ତିଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରା ନ ଗଲେ ଆଗାମୀ ଦିନରେ ଉପସ୍ଥାନ କମିବ ବୋଲି ଅଭିଭାବକ ଲକ୍ଷ୍ମୀ ବଧୁକ, ଲାଲ ମୋହନ ସିଂ, ହେମନ୍ତ ଓଝା, ଅଜିତ ମହାକୁଡ, ଆକୁଳ ବାଡିକ, ସଞ୍ଜୁଲତା ସିଂ ପ୍ରମୁଖ ପ୍ରକାଶ କରିଛନ୍ତି ା
