ଖଇରା, ୩।୧(ଡି.ଏନ.ଏ.)-ନୂଆବର୍ଷରେ ସମସ୍ତେ ଭୋଜିଭାତ କରି ମଉଜ ମଜଲିସରେ କଟାଉଥିବା ବେଳେ ଏହାକୁ ନିଆରା ଢଙ୍ଗରେ ପାଳିଛନ୍ତି ଖଇରା ବ୍ଲକ ଅଧୀନ ଗୋଳିହା ପଞ୍ଚାୟତ କଣ୍ଟାବଣିଆ ଗ୍ରାମର ମୟୂର କୁମାର ଦାସ। ସିଆର୍ପିଏଫ ଯବାନ ମୟୁର ବୁଧବାର ନିଜର ବୋନସ ଟଙ୍କାରେ ଖଇରା ବ୍ଲକର ଡଗରପଡାଠାରେ ଥିବା ବିବେକଭାରତୀ ସେବାଶ୍ରମର ଅନାଥ ପିଲାଙ୍କୁ ଭେଟି ପିନ୍ଧାବସ୍ତ୍ର ଏବଂ ମିଷ୍ଠାନ୍ନ ବଣ୍ଟନ କରିଥିଲେ ା ଏଥିସହ ପିଲାମାନଙ୍କର ସୁବିଧା ଅସୁବିଧା ପଚାରି ବୁଝିବା ସହିତ ପିଲାମାନଙ୍କ ସହ ମଧ୍ୟାନ୍ନଭୋଜନ କରିଥିଲେ। ଏହି ଅଞ୍ଚଳର ଯୋଗଗୁରୁ ମୁକ୍ତିକାନ୍ତ ପାଣିଗ୍ରାହୀଙ୍କଠାରୁ ଏହି ଆଶ୍ରମ ବିଷୟରେ ଶୁଣି ଏଠାକୁ ଆସିବାକୁ ମନ ବଳାଇଥିବା ସିଆର୍ପିଏଫ ଯବାନ ମୟୂର କୁମାର ଦାସ ପ୍ରକାଶ କରିବା ସହିତ ଆଗାମୀ ଦିନରେ ନିଜର ସକ୍ଷମ ଅନୁଯାୟୀ ଆଶ୍ରମର ଛାତ୍ରଛାତ୍ରୀମାନଙ୍କୁ ସହଯୋଗର ହାତ ବଢାଇବେ ବୋଲି କହିଛନ୍ତି। ଏହି କାର୍ଯ୍ୟକ୍ରମରେ ମୟୂର କୁମାର ଦାସଙ୍କ ସମେତ ବିବେକଭାରତୀ ସେବାଶ୍ରମର ପରିଚାଳକ ସ୍ବାମୀ ଗଣେଶାନନ୍ଦ ପୁରୀ, ଯୋଗଗୁରୁ ମୁକ୍ତିକାନ୍ତ ପାଣିଗ୍ରାହୀ, ଚିନ୍ମୟ ମହାନ୍ତି ଓ ଅଜୟ ପ୍ରଧାନ ପ୍ରମୁଖ ଉପସ୍ଥିତ ଥିଲେ ା
