ମୁମ୍ବାଇ: ବଲିଉଡ୍ ଅଭିନେତ୍ରୀ ଶ୍ରଦ୍ଧା କପୁର ନିକଟରେ ନିଜର ଇନ୍ଷ୍ଟାଗ୍ରାମ ଆକାଉଣ୍ଟରେ ଏକ କ୍ୟୁଟ୍ ଭିଡିଓ ଶେୟାର କରିଛନ୍ତି। ଯେଉଁଥିରେ ଏକ ଛୋଟ ହାତୀ ତାର ଶୁଣ୍ଢରେ ପାଣି ନେଇ ତା’ର ଅନ୍ୟ ପାର୍ଶ୍ୱରେ ଥିବା ଏକ ଓଟ ଉପରକୁ ଫୋପାଡ଼ୁଛି। ଏହାକୁ ଶେୟାର କରି ସେ ଉଲ୍ଲେଖ କରିଛନ୍ତି ଯେ, ବନ୍ୟ ପ୍ରାଣୀ ମଧ୍ୟ ସହାନୁଭୂତି ଅନୁଭବ କରିପାରନ୍ତି। ଏହି କ୍ୟୁଟ୍ ହାତୀଟି ପାଣି ଢାଳି ତା’ର ବନ୍ଧୁ ଓଟକୁ ଗରମରୁ ଥଣ୍ଡା କରିବାକୁ ଚେଷ୍ଟା କରୁଛି। ଏହି ଭିଡିଓଟି କେବେକାର ସେ ଜାଣି ନ ଥିବାବେଳେ ଜଣେ ଏହାକୁ ଶେୟାର କରିଥିଲେ। ସେତେବେଳେ ସେ ଆଶ୍ଚର୍ଯ୍ୟ ହେବା ସହ ଖୁସି ମଧ୍ୟ ହୋଇଥିଲେ ବୋଲି କହିଛନ୍ତିି। ସାହାଯ୍ୟ କରିବାକୁ ସେମାନଙ୍କ ପାଖରେ କଣସି ସର୍ତ୍ତ ନାହିଁ। ସେମାନଙ୍କଠାରୁ ମନୁଷ୍ୟ ବହୁତ କିଛି ଶିଖିବା ଦରକାର। କରୋନା ଭାଇରସ୍ ସଂକ୍ରମଣ ରୋକିବାକୁ ଭାରତରେ ବର୍ତ୍ତମାନ ଚତୁର୍ଥ ପର୍ଯ୍ୟାୟ ଲକ୍ଡାଉନ୍ ଚାଲିଛି। ସମଗ୍ର ମାନବଜାତି ଏବେ ବିପଦରେ। ଏଥିରୁ ଆମକୁ ବାହାରିବାକୁ ହେଲେ କରୋନାକୁ ହରେଇବାକୁ ପଡ଼ିବ। କୌଣସି ସର୍ତ୍ତ ନ ରଖି ସମସ୍ତେ ସମସ୍ତଙ୍କୁ ସହାୟତା କରିବା ଦରକାର ବୋଲି ସେ ପ୍ରକାଶ କରିଛନ୍ତି।
