କୋଳିମାଟି,୨୫ା୫(ଡି.ଏନ୍.ଏ.): କେନ୍ଦୁଝର ଜିଲା ଆନନ୍ଦପୁର ବ୍ଲକ ଅଧୀନସ୍ଥ ବୁଢ଼ୀକୁଦ ପଞ୍ଚାୟତ ସିଙ୍ଗନାଳୀ ଝୁମକା ସାହିର ଲୋକମାନେ ନାଳରୁ ପାଣି ପିଉଥିବା ଦେଖିବାକୁ ମିଳିଛି। ଏଠାରେ ଆଦିବାସୀ ଲୋକେ ବସବାସ କରୁଥିବାବେଳେ ଗାଁକୁ ଆସିବାକୁ ହେଲେ ବୈତରଣୀ ପାର ହୋଇ ଆସିବାକୁ ପଡ଼ିଥାଏ ଏମାନଙ୍କୁ ା ଏଠାକାର ଅଧିବାସୀମାନେ ଜଙ୍ଗଲରୁ କାଠପତ୍ର,ଝୁଣା,ମହୁ, ଫଳମୂଳ ସଂଗ୍ରହ କରି ନିକଟସ୍ଥ କୋଳିମାଟି ହାଟରେ ବିକ୍ରି କରି ଚଳିଥାନ୍ତି ା ସ୍ଥାନୀୟ ବାସିନ୍ଦା ପଞ୍ଚାୟତଠାରୁ ଆରମ୍ଭ କରି ଆନନ୍ଦପୁର ବ୍ଲକ ପ୍ରଶାସନ ପର୍ଯ୍ୟନ୍ତ ପାଣି ସମସ୍ୟା ନେଇ ଅବଗତ କରାଇଥିଲେ ମଧ୍ୟ ତାଙ୍କ କଥା କେହି ଶୁଣୁନାହାନ୍ତି ା ଏଠାରେ ଖାଲି ପାଣି ନୁହେଁ ରାସ୍ତା,ବିଜୁଳି, ସ୍ବାସ୍ଥ୍ୟ,ବିଦ୍ୟାଳୟ, ଅଙ୍ଗନବାଡ଼ି, ଇନ୍ଦିରାଆବାସ, ଭତ୍ତା ଆଦି ସାତସପନ ପାଲଟିଛି। ଏଥିପ୍ରତି ପ୍ରଶାସନର କେବେ ଦୃଷ୍ଟି ପଡ଼ିବ ବୋଲି ଅଧିବାସୀମାନେ ପ୍ରଶ୍ନ କରିଛନ୍ତି।
