ନାଭାଲ ଛକରେ ସିରିଜ୍‌ ଦୁର୍ଘଟଣା: କାରକୁ ସାଇଡ୍‌ ଦେବାକୁ ଯାଇ ୬ ଅଟୋକୁ ଧକ୍କା ଦେଲା ଅଏଲ ଟ୍ୟାଙ୍କର
12:23 pmApril 20, 2020 / 43

ଖୋର୍ଦ୍ଧା ଅଫିସ, ୨୦।୪: ଖୋର୍ଦ୍ଧା ଜିଲା ନାଭାଲ ଛକ ୧୬ ନଂ. ଜାତୀୟ ରାଜପଥଠାରେ ସୋମବାର ସିରିଜ୍‌ ଦୁର୍ଘଟଣା ଘଟିଛି। ଏକ ଅଏଲ ଟ୍ୟାଙ୍କର ସମ୍ମୁଖରୁ ଆସୁଥିବା କାରକୁ ସାଇଡ୍‌ ଦେବାକୁ ଯାଇ ରାସ୍ତା କଡ଼ରେ ଥିବା ଅନ୍ୟ ୬ଟି ଅଟୋକୁ ଧକ୍କା ଦେଇଥିଲା। ଏଥିରେ ୬ଟି ଯାକ ଅଟୋ ଭାଙ୍ଗିବା ସହ କାର ଭିତରେ ଥିବା ଲୋକମାନେ ଆହତ ହୋଇଛନ୍ତି।
ସୂଚନାଯୋଗ୍ୟ, ଟ୍ୟାଙ୍କରଟି ଭୁବନେଶ୍ୱରରୁ ବ୍ରହ୍ମପୁର ଅଭିମୁଖେ ଯାଉଥିଲା। ତେବେ ଗାଡ଼ି ଚାଳକ ମଦ୍ୟପାନ କରିଥିବା ଜଣାପଡ଼ିଛି। ଖବର ପାଇ ବାଲୁଗାଁ ଥାନା ଅଧିକାରୀ ନାଭାଲ ଫାଣ୍ଡି ଅଧିକାରୀ ଓ ବାଲୁଗାଁ ଅଗ୍ନିଶମ ବାହିନୀ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।