ନୂଆଦିଲ୍ଲୀ,୨୫।୯: ବେଳେ ବେଳେ କତେକ ନବଜାତ ଶିଶୁଙ୍କ ଶରୀରରେ ନିଆରା ଅଙ୍ଗପ୍ରତ୍ୟେଙ୍ଗ ଦେଖିବାକୁ ମିଳିଥାଏ। ପ୍ରାୟ ସମୟରେ କେତେକଙ୍କ ଶରୀରରେ ଅଧିକ କେଶ ରହିଥାଏ ତ ଆଉ କେତେକଙ୍କ ହାତ ଆଙ୍ଗୁଠି ଅଧିକ ରହିଥିବା ଦେଖିବାକୁ ମିଳେ। କିଛି ଏଭଳି ଆଶ୍ଚର୍ଯ୍ୟଜନକ ଦୃଶ୍ୟ ଦେଖିବାକୁ ମିଳିଛି ଦିଲ୍ଲୀ ଗ୍ରେଟର ନଏଡାରେ ଥିବା ଏକ ହସ୍ପିଟାଲରେ। ଉକ୍ତ ହସ୍ପିଟାଲରେ ଜଣେ ମହିଳା ଶିଶୁପୁତ୍ରକୁ ଜନ୍ମ ଦେଇଥିଲେ। ନବାଜାତ ଶିଶଟିୁର ଶରୀରର ପଛ ପାର୍ଶ୍ୱରେ ଲାଞ୍ଜ ଥିବା ଦେଖିବାକୁ ମିଳିଛି। ଯାହାକୁ ଦେଖି ଡାକ୍ତର ଓ ପରିବାରଲୋକେ ଚକିତ ହୋଇପଡ଼ିଥିଲେ। ତେବେ ଶିଶୁଟିକୁ ଦେଖିବା ପାଇଁ ହସ୍ପିଟାଲ କର୍ମଚାରୀ ଓ ଲୋକଙ୍କ ଭିଡ ଜମିଥିଲା। ଫଳରେ ଡାକ୍ତର ବାଧ୍ୟ ହୋଇ ଶିଶୁ ଓ ମା’ଙ୍କୁ ଘରକୁ ପଠାଇଦେଇଥିଲେ। ଅନ୍ୟପଟେ କଞ୍ଜେନାଇଟଲ ନର୍ମାଲିଟି ଯୋଗୁ ଶିଶୁଙ୍କ ଶରୀରରେ ଏଭଳି ସମସ୍ୟା ଦେଖାଦିଏ। ଏହା ସମସ୍ତଙ୍କ ଶରୀରରେ ନୁହେଁ ବରଂ କେତେକଙ୍କ ଶିଶୁଙ୍କ ଶରୀରରେ ଦେଖାଦିଏ ବୋଲି ଡାକ୍ତର କହିଛନ୍ତି। ଏହି ଘଟଣା ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚାରେ ବିଷୟ ପାଲଟିଛି। ଶିଶୁଟି ଏବେ ସୁସ୍ଥ ଥିବା ବେଳେ ଖୁବ୍ଶୀଘ୍ର ଏମ୍ଆରଆଇ କରାଯାଇ ବର୍ଦ୍ଧିତ ମାଂସକୁ ଅପରେଶନ୍ କରାଯିବ। ଏହା ଶିଶୁର ଜୀବନ ଉପରେ କୌଣସି ପ୍ରଭାବ ପକାଇବ ନାହିଁ ବୋଲି ହସ୍ପିଟାଲର ସିଏମ୍ଓ କହିଛନ୍ତି।
