ନରାଜ, ୭ା୧୧(ଡି.ଏନ୍.ଏ.)- କଟକ-ବାଙ୍କୀ ମୁଖ୍ୟରାସ୍ତାକୁ ଲାଗିରହିଛି ବାଆଁ ରା ଅଞ୍ଚଳର ‘ବାଟି ସୋଅରା’ ଚାଷ ଜମି ଅଞ୍ଚଳ। ଏଠାରେ ବାଆଁ ରା ଓ କୁଅମଡା ଗ୍ରାମର ଚାଷୀମାନେ ଧାନ ଫସଲ କରିଥାନ୍ତି। ଯେହେତୁ ବାଆଁ ରା ପଞ୍ଚାୟତଟି ଚନ୍ଦକା-ଡମପଡା ହସ୍ତୀ ଅଭୟାରଣ୍ୟଠାରୁ ମାତ୍ର ୨କି.ମି ମଧ୍ୟରେ ଅବସ୍ଥିତ। ବିଭିନ୍ନ ସମୟରେ ହାତୀମାନେ ଆସି ଧାନ ଫସଲ ନଷ୍ଟ କରିଥାନ୍ତି। ଅପରପକ୍ଷେ ଏହି ଅଞ୍ଚଳରେ ଗୋରୁମାନଙ୍କୁ ନ ବାନ୍ଧି ବାହାରେ ଛାଡିଦେଉ ଥିବାରୁ ସେମାନେ ପଶି ଧାନଫସଲ ଖାଇ ନଷ୍ଟ କରିଥାନ୍ତି। ସେଥିପାଇଁ ‘ବାଟି ସୋଅରା’ ରେ ଚାଷୀମାନେ ଦୀର୍ଘ ବର୍ଷଧରି ଧାନଫସଲ କରୁ ନ ଥିଲେ। ମାତ୍ର ଚଳିତବର୍ଷ କେତେକ ଚାଷୀ ଏକତ୍ରିତ ହୋଇ ଚାଷ କରିଛନ୍ତି। ଧାନ ଫସଲ ମଧ୍ୟ ଭଲ ହୋଇଥିଲା। କିନ୍ତୁ କିଛିଦିନ ପରେ ଧାନରେ ‘ମାଟିଆ ଗୁଣ୍ଡି’ ପୋକ ଲାଗିଥିବା ଚାଷୀମାନେ ଦେଖିବାକୁ ପାଇଥିଲେ। ଏଥିପାଇଁ ଚାଷୀମାନେ ଏବେ ଚିନ୍ତାରେ ପଡିଯାଇଛନ୍ତି। କାରଣ ଏହା ଦ୍ୱାରା ଧାନ ଫସଲ ସମ୍ପୂର୍ଣ୍ଣ ନଷ୍ଟ ହୋଇଯିବ। ବୁଧବାର ଡମପଡା ବ୍ଲକ ଗ୍ରାମ କୃଷିସେବକ ମାଧବା ନନ୍ଦ ଓଝା, କୃଷକ ସାଥୀ ଡମ୍ବରୁଧର ସ୍ବାଇଁ ପ୍ରମୁଖ କୃଷିକ୍ଷେତ୍ର ପରିଦର୍ଶନ କରି ଚାଷୀମାନଙ୍କୁ ଆବଶ୍ୟକୀୟ ପରାମର୍ଶ ଦେଇଛନ୍ତି।
