ଲଣ୍ଡନ,୨୪।୬(ଏଏଫ୍ପି): ଜର୍ମାନୀର କିମ୍ବଦନ୍ତୀ ଟେନିସ୍ ଷ୍ଟାର ବୋରିସ୍ ବେକର ବ୍ୟାଙ୍କ ଲୋନ୍ ପରିଶୋଧ କରିବା ଲାଗି ଅନ୍ଲାଇନରେ ସୋମବାରଠାରୁ ନିଜ ଟ୍ରଫି ଓ ମେଡାଲ ନିଲାମ ଆରମ୍ଭ କରିଛନ୍ତି। ଓ୍ବିମ୍ବେଲଡନ ଓପନ୍ ଇତିହାସର ସର୍ବକନିଷ୍ଠ ଖେଳାଳି ୧୭ ବୟସରେ ହିଁ ୩ ଟାଇଟଲ ହାସଲ କରିନେଇଥିଲେ। ସେ ପଦକ, କପ୍, ଘଣ୍ଟା ଓ ଫଟୋଗ୍ରାଫ୍କୁ ମିଶାଇ ମୋଟ ୮୨ଟି ଆଇଟମ ନିଲାମ କରୁଛନ୍ତି। ଏହି ପ୍ରକ୍ରିୟା ୧୧ ତାରିଖରେ ଶେଷହେବ ବୋଲି ଓ୍ବଲେସ ହାର୍ଡି କହିଛନ୍ତି। ନିଲାମ ହେଉଥିବା ଆଇଟମ ତାଲିକାରେ ରେନଶ୍ୱା କପ୍ ପ୍ରତିକୃତି ମଧ୍ୟ ରହିଛି, ଯାହା ତାଙ୍କୁ ଓ୍ବିମ୍ବେଲଡନ ଓପନ୍ରେ ସର୍ବକନିଷ୍ଠ ଖେଳାଳି ଭାବେ ଗ୍ରାଣ୍ଡସ୍ଲାମ ଟାଇଟଲ ଜିତିବା ପରେ ମିଳିଥିଲା। ଓି୍ବମ୍ବେଲଡନ (୧୯୯୦) ଓ ୟୁଏସ୍ ଓପନ୍ (୧୯୮୯) ଉପବିଜେତା ପଦକ ମଧ୍ୟ ସାମିଲ କରାଯିବ। ୫୧ ବର୍ଷୀୟ ଚାମ୍ପିୟନଙ୍କୁ ୨୦୧୭ରେ ଦେବାଳିଆ ଘୋଷଣା କରାଯାଇଥିଲା। ୨୦୧୮ ଜୁନ୍ରେ ତାଙ୍କ ନିକଟରେ ରାଜନୈତିକ ସମର୍ଥନ ରହିଛି, ଯାହାଫଳରେ ତାଙ୍କ ଟ୍ରଫି ଓ ପଦକର ନିଲାମ ପ୍ରକ୍ରିୟାକୁ ଅନ୍ତିମ ମିନିଟ୍ରେ ରଦ୍ଦ କରାଯାଇଥିଲା। ସେଣ୍ଟ୍ରାଲ ଆଫ୍ରିକାନ ଗଣତନ୍ତ୍ର ରାଷ୍ଟ୍ରପତିଙ୍କ ଦ୍ୱାରା କ୍ରୀଡ଼ା ଓ ପରମ୍ପରା ୟୁରୋପିଆନ ୟୁନିୟନ ସହ ଯୋଗସୂତ୍ର ରକ୍ଷା କରିବା ଲାଗି ତାଙ୍କୁ ନିଯୁକ୍ତ କରାଯାଇଥିବା ଦାବି କରିଥିଲେ। କିନ୍ତୁ ବେକର ଜାଲ୍ ପାସ୍ପୋର୍ଟର ବ୍ରାଣ୍ଡିଂ କରୁଥିବା ସେଣ୍ଟ୍ରାଲ ଆଫ୍ରିକାର ବୈଦେଶିକ ମନ୍ତ୍ରଣାଳୟ ପକ୍ଷରୁ କୁହାଯାଇଥିଲା। ଗତ ଡିସେମ୍ବରରେ ଲଣ୍ଡନ କୋର୍ଟରେ ଦେବାଳିଆ ସ୍ବୀକାର କରିଥିଲେ। ନିଲାମ ପ୍ରକ୍ରିୟାରୁ ମିଳିବାକୁ ଥିବା ଅର୍ଥ ତାଙ୍କ ଇଷ୍ଟେଟ କମ୍ପାନୀର ବ୍ୟାଙ୍କଲୋନ୍ ପରିଶୋଧ କରିପାରିବ ନାହିଁ। ଉଲ୍ଲେଖଥାଉ କି, ଏହି ପୂର୍ବତନ ଖେଳାଳି ୬ ଗ୍ରାଣ୍ଡସ୍ଲାମ ସମେତ ମୋଟ ୪୯ ଟାଇଟଲ ଜିତିଥିଲେ। ଏଥିସହ ପୁରୁଷ୍କାର ରାଶି ବାବଦକୁ ୨୦ ନିୟୁତ ୟୁରୋ ମଧ୍ୟ ପାଇଥିଲେ।
