ଭଞ୍ଜନଗର,୧୯।୫(ଡି.ଏନ.ଏ.)-ଗଞ୍ଜାମ ଜିଲା ତାରସିଂ ଥାନା ଅନ୍ତର୍ଗତ କାଠଚିରା ନିକଟରେ ସୋମବାର ଅପରାହ୍ନରେ ଏକ ଦୁର୍ଘଟଣା ଘଟିଛି। ଦୁଇ ବାଇକ୍ ମୁହଁ। ମୁହିଁ ଧକ୍କା ହେବାରୁ ଜଣେ ମହିଳାଙ୍କ ସମେତ ୨ ଜଣଙ୍କ ମୃତ୍ୟୁ ଘଟିଛି। ସେମାନେ ହେଲେ ନୟାଗଡ଼ ଜିଲା ବାଣିଗୋଛା ଥାନା ଅନ୍ତର୍ଗତ ଗୋଛାବାଡ଼ିର ସୁବାସିନୀ ବେହେରା (୫୦) ଓ ଗାଲେରିର ବବ୍ରୁ ନାଇକ (୨୫)। ଏହି ଦୁର୍ଘଟଣାରେ ଗୁରୁତର ଆହତ ଅନ୍ୟ ୨ ଜଣ ଗାଲେରିର ଦୁନିଆ ନାଇକ ଓ ଗୋଛାବାଡ଼ିର ତୀର୍ଥ ବେହେରାଙ୍କୁ ଭଞ୍ଜନଗରରୁ ବ୍ରହ୍ମପୁର ବଡ଼ ମେଡିକାଲକୁ ପଠାଯାଇଛି।
ଗୋଚ୍ଛାବାଡିର ତୀର୍ଥ ତାଙ୍କ ମା’ ସୁବାସିନୀଙ୍କୁ ଧରି ଭଞ୍ଜନଗରରୁ ବାଇକ୍ ଯୋଗେ ଫେରୁଥିଲେ। ବିପରୀତ ଦିଗରୁ ବବ୍ରୁ ଓ ଦୁନିଆ ଏକ ବାଇକ୍ରେ ଭଞ୍ଜନଗର ଆସୁଥିଲେ। କାଠଚିରା ଛକ ନିକଟରେ ଦୁଇ ବାଇକ୍ ମୁହଁାମୁହିଁ ଧକ୍କା ହେବାରୁ ୪ ଆରୋହୀ ଗୁରୁତର ଆହତ ହୋଇଥିଲେ। ସ୍ଥାନୀୟ ଲୋକେ ସେମାନଙ୍କୁ ଉଦ୍ଧାର କରି ଗାଲେର ଡାକ୍ତରଖାନାକୁ ନେଇଥିଲେ। ସେଠାରେ ସୁବାସିନୀଙ୍କୁ ଡାକ୍ତର ମୃତ ଘୋଷଣା କରିଥିଲେ। ଅନ୍ୟ ୩ ଜଣଙ୍କୁ ଭଞ୍ଜନଗର ମେଡ଼ିକାଲକୁ ନିଆଯାଇଥିଲେ ମଧ୍ୟ ବାଟରେ ବବ୍ରୁଙ୍କ ମୃତ୍ୟୁ ହୋଇଯାଇଥିଲା। ଆହତ ଦୁନିଆ ଓ ତୀର୍ଥଙ୍କୁ ବ୍ରହ୍ମପୁର ବଡ଼ ମେଡିକାଲକୁ ନେବା ପାଇଁ ଡାକ୍ତର ପରାମର୍ଶ ଦେଇଥିଲେ। ଗାଲେରି ଫାଣ୍ଡି ଅଧିକାରୀ ଦୁର୍ଘଟଣାସ୍ଥଳରେ ପହଞ୍ଚି ତଦନ୍ତ କରିଥିଲେ। ପୋଲିସ ମୃତଦେହ ଦୁଇଟିକୁ ଜବତ କରି ବ୍ୟବଚ୍ଛେଦ ନିମନ୍ତେ ପଠାଇଛି। ଏ ନେଇ ନଂ.୮୯/୨୦ରେ ମାମଲା ରୁଜୁ ହୋଇଛି।
