ନୂଆଦିଲ୍ଲୀ,୫।୨: ଦିଲ୍ଲୀ ବିଧାନସଭା ନିର୍ବାଚନକୁ ନେଇ ରାଜନୀତି ସରଗରମ ହୋଇଯାଇଛି। ଏଠାରେ ବିଭିନ୍ନ ଦଳ ପକ୍ଷରୁ ପ୍ରଚାର ଜୋରସୋରରେ ଚାଲିଛି। କଂଗ୍ରେସ ପକ୍ଷରୁ ପ୍ରଚାର ମୈଦାନକୁ ଓହ୍ଲାଇ ଥିବା ପ୍ରସିଦ୍ଧ ଅଭିନେତ୍ରୀ ନଗମା ଭାଜପା ନେତା କେନ୍ଦ୍ରମନ୍ତ୍ରୀ ଅନୁରାଗ ଠାକୁରଙ୍କ ଉପରେ ବର୍ଷିଛନ୍ତି। ଅନୁରାଗଙ୍କ ବିବାଦୀୟ ମନ୍ତବ୍ୟ ଯୋଗୁ ଦିଲ୍ଲୀରେ ଗୁଳି ଫୁଟିଲା ବୋଲି ନଗମା କହିଛନ୍ତି। କଂଗ୍ରେସ ପ୍ରାର୍ଥୀ ଆଦର୍ଶ ଶାସ୍ତ୍ରୀଙ୍କ ପାଇଁ କ୍ୟାମ୍ପେନ କରିବା ପାଇଁ ପହଞ୍ଚିଥିବା ନଗମା କହିଛନ୍ତି, ଅନୁରାଗ ନିଜ ପଦ ମର୍ଯ୍ୟାଦାକୁ ଯଦି ସମ୍ମାନ ଦେଇଥାନ୍ତେ ତେବେ ପ୍ରତାରକଙ୍କୁ ଗୁଳି ମାର ବୋଲି କହି ନ ଥାନ୍ତେ। ସୂଚନାଯୋଗ୍ୟ, ଅର୍ଥ ରାଷ୍ଟ୍ରମନ୍ତ୍ରୀ ଅନୁରାଗ ଠାକୁର ଦିଲ୍ଲୀର ଏକ ନିର୍ବାଚନୀ ରାଲିରେ କହିଥିଲେ ‘ଦେଶର ପ୍ରତାରକମାନଙ୍କୁ ଗୁଳି ମାର’। ଏଥିପାଇଁ ଦିଲ୍ଲୀ ନିର୍ବାଚନ ପ୍ରଚାରରୁ ତାଙ୍କୁ ସାମୟିକ ଭାବେ ବିରତ କରାଯାଇଥିଲା।
