ମୁମ୍ବାଇ: ବଲିଉଡ୍ ଅଭିନେତ୍ରୀ କଙ୍ଗନା ରଣାଓ୍ବତଙ୍କ ଅଭୀନିତ ଫିଲ୍ମ ତଲାଓ୍ବି ରିଲିଜ୍କୁ ନେଇ ବହୁ କଳ୍ପନା ଜଳ୍ପନା ଲାଗି ରହିଥିଲା। ପୂର୍ବରୁ କରୋନା ଭାଇରସ୍ ଲକ୍ଡାଉନ ଯୋଗୁ ଅନ୍ୟ ପିଲ୍ମଗୁଡ଼ିକ ଫିଲ୍ମ ଭଳି ଏହା ମଧ୍ୟ ଡିଜିଟାଲ ପ୍ଲାଟଫର୍ମ (ଓଟିଟି)ରେ ରିଲିଜ୍ ହେବ ବୋଲି କୁହାଯାଉଥିଲା। ହେଲେ ଏବେ ଏହି ଫିଲ୍ମର ରିଲିଜ୍କୁ ନେଇ ସବୁ କଳ୍ପନା ଜଳ୍ପନାର ଅନ୍ତ ଘଟିଛି। ଫିଲ୍ମ ତଲାଓ୍ବି ଡିଜିଟାଲ ପ୍ଲାଟଫର୍ମ ପୂର୍ବରୁ ଥିଏଟରରେ ପ୍ରଥମେ ରିଲିଜ୍ ହେବ ବୋଲି ଜଣାପଡ଼ିଛି। ପୂର୍ବରୁ ଜୁନ ୨୬ରେ ଏହି ଫିଲ୍ମ ରିଲିଜ୍ ହେବାର ଥିଲା। ହେଲେ କରୋନା ସଙ୍କଟ ଯୋଗୁ ସମସ୍ତ ଥିଏଟର ବନ୍ଦ ରହିଛି। ଇତିମଧ୍ୟରେ ଏହି ବାୟୋପିକ ଫିଲ୍ମକୁ ହିନ୍ଦୀ ଓ ତାମିଲରେ ନେଟ୍ଫ୍ଲିକ୍ସ ଏବଂ ଆମାଜନ ପ୍ରାଇମ୍ ଭିଡ଼ିଓକୁ ପ୍ରାୟ ୫୫କୋଟି ଟଙ୍କାରେ ବିକ୍ରି କରାଯାଇଥିଲା। ତେବେ ସମସ୍ତ ବାଦ ବିବାଦକୁ ପଛରେ ପକାଇ ଶେଷରେ ଥିଏଟରରେ ରିଲିଜ୍ ହେବାକୁ ନିଷ୍ପତ୍ତି ନିଆଯାଇଛି। ସୂଚନା ମୁତାବକ ତାମିଲନାଡ଼ୁର ପୂର୍ବତନ ମୁଖ୍ୟମନ୍ତ୍ରୀ ସ୍ବର୍ଗତଃ ଜୟଲଳିଥାଙ୍କ ଜୀବନି ଉପରେ ଏହି ଫିଲ୍ମ ଆଧାରିତ ହୋଇଛି। ଏଠାରେ ତାଙ୍କ ଜୀବନ ସହ ଜଡ଼ିତ ଥିବା ସମସ୍ତ ଅକୁହା କାହାଣୀକୁ ଦେଖିପାରିବେ ଦର୍ଶକ।
