ରାଜନଗର, ୨୧।୯ (ଡି.ଏନ୍.ଏ.): ପ୍ରତିଦିନ ସ୍କୁଲରେ ଛାତ୍ରୀଛାତ୍ରଙ୍କ ଉପସ୍ଥାନ ଓ ମଧ୍ୟାହ୍ନଭୋଜନ ଖାଉଥିବା ପିଲାଙ୍କ ଠିକ୍ ତଥ୍ୟ ମଧ୍ୟାହ୍ନଭୋଜନ ପୋର୍ଟାଲକୁ ପଠାଇବାର ନିୟମ ରହିଛି। ହେଲେ ରାଜନଗର ବ୍ଲକର ବିଭିନ୍ନ ସ୍କୁଲରେ ପ୍ରଧାନଶିକ୍ଷକମାନେ ଏହି ନିୟମ ମାନୁ ନହାନ୍ତି, ଯାହାଫଳରେ ୩୫ ପ୍ରଧାନଶିକ୍ଷକଙ୍କ ଦରମା ବନ୍ଦ କରାଯାଇଥିବା ବ୍ଲକ ଶିକ୍ଷାଧିକାରୀ ରାଜେଶ କୁମାର ସ୍ବାଇଁ ସୂଚନା ଦେଇଛନ୍ତି।
ଅଗଷ୍ଟ ଓ ସେପ୍ଟେମ୍ବର ମାସର ପ୍ରଥମ ସପ୍ତାହରେ ପୋର୍ଟାଲକୁ ତତ୍ୟ ପଠାଇ ନ ଥିବା ବେଳେ ୧୫ ପ୍ରଧାନଶିକ୍ଷକଙ୍କ ଦରମା ବନ୍ଦ କରାଯାଇଥିଲା। ସେହିପରି ଚଳିତମାସ ୧୬ ତାରିଖରେ ୩୫ ସ୍କୁଲର ପ୍ରଧାନଶିକ୍ଷକ ମଧ୍ୟାହ୍ନଭୋଜନ ତଥ୍ୟା ସମ୍ପର୍କିତ ରିପୋର୍ଟ ପୋର୍ଟାଲକୁ ପଠାଇ ନଥିଲେ। ଫଳରେ ବ୍ଲକର କପିଳେଶ୍ୱର ଉପ୍ରା ବିଦ୍ୟାଳୟ, କିଆଯୋରି ପ୍ରାଥମିକ ବିଦ୍ୟାଳୟ, କୁସୁନପୁର ପ୍ରାଥମିକ ବିଦ୍ୟାଳୟ, ଲୋକନାଥପ୍ରସାଦ ପ୍ରାଥମିକ ବିଦ୍ୟାଳୟ, ସିଦ୍ଧେଶ୍ୱରୀ ଉପ୍ରା ବିଦ୍ୟାଳୟ, ମଧ୍ୟପଡା ଗୋବିନ୍ଦପୁର ୟୁଜିୟୁପି, ଭିତରଗଡ ନୀଳକଣ୍ଠେଶ୍ୱର ୟୁପି ସ୍କୁଲ, ନୂଆଗାଁ ୟୁଜିୟୁପି, ପଟ୍ଟାପାରିଆ ପିୟୁପିଏସ, ବାଘମାରୀ ୟୁଜିୟୁପି, ବାହାରଗଡ ପ୍ରାଥମିକ ବିଦ୍ୟାଳୟ, ବଳରାମପୁର ପ୍ରୋଜେକ୍ଟ ପ୍ରାଥମିକ ବିଦ୍ୟାଳୟ, ବାଲିକଣା ୟୁଜିୟୁିପି, ବାଲିସାହିପାଟଣା ପ୍ରାଥମିକ ବିଦ୍ୟାଳୟ, ଭଗବାନପୁର ପ୍ରାଥମିକ ବିଦ୍ୟାଳୟ, ସମେତ ୩୫ ସ୍କୁଲର ପ୍ରଧାନଶିକ୍ଷକଙ୍କ ଦରମା ବନ୍ଦ କରାଯାଇଛି। ଏଥିସହ ବଡପଲ୍ଲୀ ନୋଡାଲ ହାଇସ୍କୁଲ, ଲକ୍ଷ୍ମୀନାରାୟଣ ସଂସ୍କୃତ ବିଦ୍ୟାଳୟ, ପଞ୍ଚୁବରାହୀ ନୋଡାଲ ଶିକ୍ଷା ନିକେତନ, କୁଷାଇଲୋ ପ୍ରାଥମିକ ବିଦ୍ୟାଳୟ, କଣଷରା ବିଦ୍ୟାଶ୍ରମର ପ୍ରଧାନଶିକ୍ଷକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଜିଲା ଶିକ୍ଷାଧିକାରୀଙ୍କୁ ଅବଗତ କରାଯାଇଛି।
