ଦିଗପହଣ୍ଡି,୨୭।୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡିସ୍ଥିତ ବଡ଼ ଖେମୁଣ୍ଡି ହାଇସ୍କୁଲର କିଛି ୧୦ମ ଶ୍ରେଣୀ ଛାତ୍ର ପ୍ରାୟ ୮ ହଜାର ଟଙ୍କା ମୂଲ୍ୟର ସ୍କୁଲରେ ଥିବା ଡ୍ରମ ବ୍ୟାଣ୍ଡ ବାଜା ଗୁଡ଼ିକ ଭାଙ୍ଗି ନଷ୍ଟ କରିଦେଇଛନ୍ତି। ସୋମବାର ସାଧାରଣତନ୍ତ୍ର ଦିବସ ପରେଡ଼ରେ ସ୍କୁଲ ପିଲାମାନେ ଡ୍ରମ ବାଦନ କରିଥିଲେ। ସ୍କୁଲରେ ଜାତୀୟ ପତାକା ଉତ୍ତୋଳନ କରାଯିବା ପରେ ଛାତ୍ରମାନେ ଉକ୍ତ ଡ୍ରମ ବ୍ୟାଣ୍ଡ ବାଜା ଗୁଡ଼ିକୁ ଧରି ଦିଗପହଣ୍ଡି ବଜାର ଗାନ୍ଧୀ ଛକଠାରେ ଏନଏସି କାର୍ଯ୍ୟାଳୟ ପକ୍ଷରୁ ସମ୍ମିଳିତ ପରେଡ଼ରେ ଅଂଶଗ୍ରହଣ କରିଥିଲେ। ପରେ ସେଗୁଡ଼ିକୁ ସ୍କୁଲ ପରିସରରେ ଭାଙ୍ଗି ରଖିଦେଇଥିଲେ।
ମଙ୍ଗଳବାର ହାଇସ୍କୁଲ ଭାରପ୍ରାପ୍ତ ପ୍ରଧାନଶିକ୍ଷକ ସୁନୀଲ କୁମାର ମହାନ୍ତି ଘଟଣାର ପୁଙ୍ଖାନୁପୁଙ୍ଖ ତଦନ୍ତ କରି ସମ୍ପୃକ୍ତ ଛାତ୍ରମାନଙ୍କୁ ଡକାଇ ପଚରାଉଚୁରା କରିଥିଲେ। ସେମାନେ ଏନେଇ କିଛି ଜାଣି ନ ଥିବା ପ୍ରକାଶ କରିବା ପରେ ଥାନାରେ ଏତଲା ଦେଇଥିବା କହିଛନ୍ତି। ହାଇସ୍କୁଲରେ କିଛି ଛାତ୍ର ବାରମ୍ବାର ଏଭଳି ବିଶୃଙ୍ଖଳା କରୁଛନ୍ତି। କିଛିଦିନ ପୂର୍ବେ ସ୍କୁଲର ସମସ୍ତ ସିସିଟିଭିଗୁଡ଼ିକୁ କିଛି ଛାତ୍ର ଯୋଜନାବଦ୍ଧ ଭାବେ ଭାଙ୍ଗି ନଷ୍ଟ କରିଦେଇଥିଲେ। ସ୍କୁଲର କିଛି ଅମାନିଆ ଛାତ୍ର ଏଭଳି କାରବାରରେ ଲିପ୍ତ ରହୁଥିବାରୁ ଶିକ୍ଷୟିତ୍ରୀଶିକ୍ଷକ ବୃନ୍ଦ ଚିନ୍ତିତ ହୋଇପଡ଼ିଥିବା କହିଛନ୍ତି।
Dharitri – Odisha’s No.1 Odia Daily
